MAKUH 13:7 - Cho Bible Common Language 2016

⁷ Nangmi naw a shou nak, ang et nak ung ng’tuk nak ah mawng nami ng’yak ung kä nami kyihkyawk vai, Cun gui cu akcang ah küm khai, cun ung phi kho ah khüt nak vai cu kä gawk law phak ci.

MAKUH 13:7 Referans Kwoze

JOHAN 14:27

“Kei naw dimdeeih nak ka ning nawng pe gui shüt ci, kei ah dimdeeih nak nangmi am ka ning pe gui ci. M’dek chang gui ah peit ah mäih ah ka ning peit gui ah kä kyak ci, kä ng’ä ai vä, kä kyikyawk vä.

LAMKTU 17:3

Messiah naw yaica nak a bui aut vai ah mawng, la sih nak ungka a thawh ba vai ah a mawng gui cu cacim va teng teng ne ng’kheing khai ah m’thein gui ci. Paul naw, “Kei naw nangmi am ka ning m’thein gui ah Bawi Jesuh cu Messiah ah kyak ci” cine pyein ci.

MATTHE 18:7

Chang gui ah yum nak dimaih sak ciah a mawng ama gui om sei, chang gui ung thüi sei nak om ci. Zum nak dimaih sak cicu akcang ah om khai, cun ung phi yum nak dimaih sak ciah chang cu ang htei ah thüi sei nak om khai.

JEREMIAH 51:46

Ng’thu ng’lak nami ng’yak ah phäh ah nami k’tha kä ken sä, kä kyikyawk vä. A kum tä sei ng’thu ng’lak aheihei cu püi thei ci — khaw ung kiawi m’sa nak gui, ghangpughang tumat la tumat ng’tuk nak cu gawk law thei ci.

ISAIAH 8:12

läk vai ah pyen ci. Ani naw, “Chang gui ah ngaih-tüh nak ung kä na ng’dawn en tu vai, ngami naw ami kyih kyawk gui cu kä na kyih en vai.

NG'THU K'THUUK~ 3:25

Nangmi naw cun ah mäih leigai cu kä nami kyihkyawk vai. Cun cu pui khaw khi ah mäih ah lawk ciah akshe kha ah kyak ci.

SAM 112:7

Ani cu thushe ang yak ung phi kä kyih ci; a yum nak cu khüighat ci, Bawipa ung ng’ap ciah kyak ci.

SAM 27:3

Gaa kap mo ng’nän naw ami na koi ung phi kei cu kä ka kyik khai; Gaa gui naw ami na tuk ung phi, Khanpughi ung ka ng’ap kheng geng khai.

2 SAMUEL 14:14

Mikmi mi van mi sik khai; mikmi cu m’dek ung kyak ciah tui ah mäih ah mi kyak ci, cun cu kaw ba ne kä gah ah kyak ci. Khanpughi naw phi aksi cu kä ghin ba sak ci. Cun ung phi ghangpughang naw omk’tu khaw ah ka chang lak nak ba vai ah lam cu hmu hning ci.

JOHAN 14:1

Bawipa Jesuh naw, “Nangmi kä ng’ä ai vä, Khanpughi yum vä, kei phi na yum vä.

MATTHE 2:3

Acun ng’ya u netah Herod ghangpughang la Jerusalem ah chang gui cu cäicat yawp ci gui.

MAKUH 13:6

Chang akda cu kei ah mäih ah ng’hlawk ne lawk khai gui. Ngami naw ami mät cu Messiah ah pyein u ne chang khli cu m’hleei m’hlak khai gui.

MAKUH 13:8

Chang pakhui tumat la tumat, kho päng tumat la tumat ng’tuk bi nak om khai. A kho pääng ung shihpi thüng khai, ei awk vai maih ne kho yo khai. Cun gui cu hta lawk khai naw nau poi am neh law ma ah mäih ah ma lawk khai ah dukdeiu nak ah kyak khai.