MAKUH 13:35 - Cho Bible Common Language 2016

³⁵ Nangmi naw imah a i yah ung a gawk law ba vai cu kä nami hmat ci, mü lam ung phi gawk law hning ci, kho cawih ding ah phi gawk law hning ci, ai khong k’htük ung phi gawk law hning ci, kho thaih hta ung phi gawk law hning ci.

MAKUH 13:35 Referans Kwoze

MAKUH 13:33

Pa Khanpughi amät bäng naw vah hmat ci. Cun ah akhin cu a i yah ung gawk lawk khai ah kä nami mi hmat ci kyasei, ngaih nah ne nami ngäng vai nei, ci m’gang ne nami om vai nei.

MATTHE 24:42

Cun ah kyasei geing nah ne nami ngäng vai, nami Bawipa a i yah ung alaw vai kä nami hmat ci.

MATTHE 24:44

Chang ah Htapa cu nangmi naw kä nami ngaih yah ah akhin ung kyum lawk khai kyasei, nangmi cun phi angtäi yah ngaih nah ne nami om vai.

MAKUH 14:30

Bawipa Jesuh naw Peter-am, “Kei naw akcang ka pyein cu, tuhmü ai kä a khon pha ung, nang naw kei cu, ‘Ani kä ka hmat ci nei’ cine na na mak khai nei” cine pyen nak ci.

MAKUH 6:48

Hleiko khan ah kho naw ng’pheet ne khi gui sei, ami yaica cu hmu gui netah Bawipa Jesuh cu tui khan ah m’khan ne hteit ne ami om nak ah lawk ci. Cun ah akhin cu ai khon htük ah kyak ci. Bawipa Jesuh cu ami pei ah phlän gui ne hteit khai ah pawng ci.

MATTHE 14:25

Ngawilam ai khong htük ung Bawipa Jesuh cu ang düihpüi gui ah om nak ah lawk khai ah tui khan ah ana a vük ci.

MATTHE 24:43

Im ah naw m’guk ei a law vai a hmat ung, geing ah ne om sei, m’guk ei naw a im cu hmawng ne käm gu hlawt khai ah nami hmat ci.

MAKUH 13:37

Nangmi ka ning m’cäi gui ah mäih ah chang avan kam cäi ci nei, ngaih na ne ngäng vä” cine pyen na gui ci.