MAKUH 13:31 - Cho Bible Common Language 2016

³¹ Khankho la khomdek a maih ung phi kei ah ng’thu cu kä maih khai nei.

MAKUH 13:31 Referans Kwoze

ISAIAH 40:8

Ä, M’ghaw cu chawng ne, cheipai cu ng’yai ci, cun ung phi khanpughi ah ng’thu cu, khong län ung khäng ci nei.”

ISAIAH 51:6

Khan kho teng vä; khomdek teng vä! Khan kho cu meikhu ah mäih ah maih khai nei; khomdekcu sui kheei ah mäih ah k’pyon khai nei, acun u ng chang gui ami van cu k’pi ah mäih ah sik khai gui nei. Cun ung phi kei naw ka law püi ah hum’htei nak cu khonglän ung om khai nei; kei ah ka näng nak cu ngawi yä om khai nei.

MATTHE 24:35

Khankho la khomdek a maih ung phi kei ah thu cu kä maih khai nei.

LUKA 21:33

Khankho la khomdek ang pyi ung phi, kei ah ng’thu cu kä ng’pyi khai.

MATTHE 5:18

Kei naw akcang ka pyein cu, khomdek la khankho a om yah ah chuih cacim ung kaa, ca ng’lung ät, ca ng’ma ät phi kä dimaih düt khai. Cacim ung om ci phung avan küm yawp khai nei.

SAM 19:7

Bawipa ah thukhän cu kümbe ci; thagui ak thai pek ci. Bawipa ah thumkhän htangkha ci, kä cüivai cicu cüivai sak ci.

KHEI NAK 23:19

Khanpughi cu hleei ciah chang ah mäih ah kä kyak ci; Ani cu am lung ngaih m’thawng ciah chang ah mäih ah kä kyak ci. A shaitak phung cu ani naw bik ci. Ang thu ah mäih ah ani naw bik ci.

2 TIMOTHI 2:13

Mikmi kä mi bekhüt ung phi, Bawipa cu bekhüt ci, a i ah kyasei ci ung Ani cu amät naw amät cu käm shet phung ci.

TITUS 1:2

Cun ah yum nak cu angtäi ghin nak ah mawng ngaih u nak ung phung ci. Kä hleeihlak ciah Khanpughi naw cau akhin kä a ng’tüi pha ge ung, angtäi ghin nak cu na pe gui khai ah shai a taak nak om ci.

THU PHLAAN 20:11

Cun kawn ah mangkiaang a bawknu la acun ung ngok ciah Bawimang cu ka hmuk ci. Acun ah Bawimang ah maa ung khankho la khomdek cu ng’kawn ne maih lawk ci.

ZEKHARIAH 1:6

Kei naw ka chang gui prophet gui ung nami pupa gui am thumkhän la m’cäi nak cu ka pe gui ci. Cun ung phi ngami naw a i ah kä ngai u ne, acun ah amawng ma ung yaica ci gui. Cun kawn ah ngami cu ng’yu ba u neta, kei M’gäi ciah Bawipa naw ka pyen ah mäih ah ka m’kyuk gui ciah pyen ci gui.’ ”

MAKUH 13:30

Kei naw akcang ka pyein cu, shin ah a mawng ama gui kä a khüm pha ung, tuhbäi chü chang gui kä si yawp phak khai gui nei,

MAKUH 13:32

“Cun ung phi cun ah akhin cu a u naw kä hmat ci. Khankho chang naw phi kä hmat ci, A Htapa naw phi kä hmat ci.

2 GHANGPUGHANG GUI 15:12

Bawipa naw Ghangpughang Jehu ung a pek ah shaitak cu kümbe ci, cun cu, nang ah htangshon, ang shon phli ung khüt sei, Israel ghangpughang ah kyak khai” ciah kyak ci.