MAKUH 13:27 - Cho Bible Common Language 2016

²⁷ Cun kawn ah chang ah Htapa naw, khankho chang gui cu tüi gui ne, khomdek khankho cawi ungka naw, khankho, kho cawi ung khüt khai ah, a ghü pyi ah chang gui cu, khäm ne k’bum sak gui khai.

MAKUH 13:27 Referans Kwoze

ZEKHARIAH 2:6

Bawipa naw a hang gui am, “Kei naw khaw ng’nü ung ka ning püi sak gui ci, cun ung phi tuhbäi nang chang k’dawng gui, Babilonia ah ka gawt law ne, Jerusalem ah nami law ba ci.

MATTHE 24:31

Cun kawn ah chang ah Htapa naw chünla ciah phyungheng tum sak gui netah, ak khankho chang gui cu hnilaw hnikiaak, a htum asiip ah tüi gui ne, khomdek vang kem ah kaa naw vang kem ah khüt khai ah a ghü ah chang gui cu m’cut sak gui khai nei.

THULÄÄN NAK 30:4

Nangmi cu shou pikbäih ciah khomdek ah cawi ah gawk ne nami püipyang ung phiBawipa nami Khanpughi naw a täng ah ning m’cut ba gui ne ning law püi ba gui khai.

2 THESSALONIAN 2:1

Bawipa Jesuh Khrit a kyum law ah mawng la ani awn a täng ah om vai ah mi bum law ah mawng cu ka ning m’thein gui ci nei, Phäi nau gui aw.

LUKA 16:22

Cun kawn ah ghawipyam cicu si sei, khankho chang gui naw la law u ne, Abraham ah k’coi ung m’shän ci gui, Mangpacun phi si sei, m’cim ci gui.

MAKUH 13:20

Khanpughi naw cun ah akhin cu kä a tawi sak ah a kyak läi ung a u naw sih nak cu kä phiawn ah hlawt khai nei. Cun ung phi, Khanpughi naw aghü pyi ah chang gui ah hmawk ah cun ah khin cu tawi sak khai nei.

MATTHE 13:41

Chang ah Htapa naw ak khankho chang gui tüi law ne, chang gui shetkat lam hma sak ci gui la shetkat nak bik ciah chang gui cu, a uknak kho ung kaa, ghü gui ne la gui netah,

1 PETER 1:2

Nangmi cu Pa Khanpughi naw amät ah ng’bü nak awn ning ghü gui ne, ang Mumcha awn chang theing ah ning pyang gui ci. Cun cu Bawi Khrit ah thu nami läk nak vai la asi awn nami theingcim nak vai ah kyak ci. M’geinsei nak la dimdeeih nak cu nangmi ung kümbe ne om sä.

2 TIMOTHI 2:10

Cun ah kyasei kei cu, Khanpughi ah a ghü ah chang gui ah hmawk ah a i phi ka buiaut ci nei. Cun cu ngami naw phi Bawi Khrit Jesuh ung hun nak ami gah tu vai la angtäi ah bäkhäk nak a gawk law vai ah hmawk ah kyak ci.

KOLOSE 3:12

Nangmi cu Khanpughi ah chang ah nami kyak ci, Khanpughi naw ning m’hni gui ne amät ah chang ah ning ghü gui ci. Cun ah kya sei nami ng’thon nak vai cu m’hteihtang nak, chimgein nak, mät hnga ngaih nak, hniphnoi nak la hniimgei nak ah kyak ci.

ROMAN 8:33

Khanpughi naw a ghü ah chang gui cu a u naw m’kat gui khai ang! Ngahmi ung katnak kä om ciah Khanpughi amät naw m’dang pyi ci nei.

JOHAN 11:52

akho hei hei ah püipawng ci gui ah Khanpughi ah chang gui, ami bum ba vai ah hmawk ah Bawipa Jesuh asih vai ah mawng cu ng’dawt ne a pyein ah kyak ci.)

JOHAN 10:16

Shin ah chaam kyong ah kä lut law tu phak ciah a hei hto gui phi kei naw ka khäm ci, cun gui phi ka chum ba gui khai, ngami naw kang thu na ngai khai gui. Cun ah kyasei htomak tumat htoshäm tumat bäng ah kyak khai.

LUKA 18:7

Khanpughi naw akchang gui cu, am gein gui vai ah amü akhnüüp m’lau ne ami ng’yoih ung kä m’khoichaa gui ah om khai ang? Ani naw ngami am gein gui vai ah düngyeng düt khai ang? Kei naw akcang ka pyein cu;

MAKUH 13:22

Messiah ah ng’hlawk ci gui la profet ah ng’hlawk ci gui cu, akda ng’dang lawk khai gui nei. Ngami naw ami näng ah a kyak ung Khanpughi naw a ghü ah chang gui hngaw m’hleei m’hlak nak gui hning vai ah cäicat nak gui vai la cäi aih nak gui vai cu m’dang khai gui nei.

MATTHE 24:24

Messiah ah ng’hlawk ci gui, profet ah ng’shei ci gui cu dang lawk khai gui nei. Cun gui naw ami m’khüt hning ung, Khanpughi ah ghü ah chang gui pui ami m’hleeihlak nak vai ah cäi aih vai gui la küikyang ciah a mawng gui cu m’dang lawk khai gui nei.

MATTHE 24:22

Khanpughi naw cun ah khin cu kä a tawi sak ah a kyak ung a u phi ghing ne kä om ba hlawt khai. Cun ung phi Khanpughi naw a ghü ah chang gui ah hmawk ah cun ah a khin mü hnüüp cu tawi sak khai nei.

MATTHE 13:49

Kho ang pyii hnüüp ung acun ah mäih ah kya lawk khai. Khankho Chang gui kyum law u ne, changnigui ah lung ung kaa, chang she gui cu ghü u netah,

MATTHE 12:42

Sheba kho päng ciah ghangpughangnu cu, hmuhmat pi ciah Solomon ghangpughang ah ng’thu ngai tuk khai ah gawk law pyii ci nei. M’khoichaa nak ah hnüüp ung ani naw ng’düi law ne, nangmi cu ning k’taap gui khai nei. Kei naw akcang ka pyein cu, shin ung tuhbäi Solomon ghangpughang ah mä hlüngtai pi ci, gawk law pyii ci nei.

ISAIAH 65:9

Judah pakhui ah kyak ciah Israel gui cu kei naw hriham ka pe gui khai, ngami ah ani hta ng’shon gui naw, kei ah khongui khaw cu ka nak khai gui. Kei ah ka ghü ah chang gui, kei ah ka khut bik ci gui cu, a cun ung om khai gui.

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

MAKUH 13:28

“Baang ghing ungka theithang vai tumat cu ka ning m’thei gui khai. Cun ah a ghing ung ang ban tawt ba ne a hnah am khek law ba ung kho cha lawk khai ah nami hmat ci.