MAKUH 13:26 - Cho Bible Common Language 2016

²⁶ Cun kawn ah khomei gui ah ng’lung ah hlüngtai nak la bämang nak awn kyum lawk ciah chang ah Htapa cu nami hmuk khai.

MAKUH 13:26 Referans Kwoze

THU PHLAAN 1:7

Teng tu vä, Bawipa cu khawmei ung cun ne kyum lawk ci nei, chang nüng nüng naw hmuk khai gui nei, amät k’htei awn shun te ci gui naw phi hmu tuk khai gui nei. Khomdek ah khan ung chang ah hta avan cu haala yawp khai gui nei. Cun cu akcang ah kya sä!

MAKUH 14:62

Bawipa Jesuh naw, “Kei cu acun nei, nangmi naw chang ah Htapa cu a hlüngtai säih ah Bawimang ah k’pat lam ah ngoh sei phi bäi, khomei ung cun ne kyum law ba sei phi bäi, nami hmu lawk khai nei” cine kyak nak ci.

MATTHE 24:30

Cun yah ung chang ah Htapa a kyum law nak vai ah a mawng cu khankho ung dang lawk khai nei. Chang ah Htapa cu khankho ah meibawk ung cum ne, chünla ciah hlüngtai nak la küikyang ciah bämang nak awn a kyum law cu khomdek chang gui naw ami hmuh ung kyap ne m’lau khai gui nei.

MATTHE 16:27

Chang ah Htapa cu apa Khanpughi ah bämang nak awn ak khankho chang gui awn a täng ah kyum lawk khai. Cun kawn ah chang gui-am, ami mät ah om ih ah ciah, m’cümhnah nak cu pe gui khai.

MATTHE 25:31

“Chang ah Htapa cu khankho chang gui naw kiung u sei ghangpughang ah kya ne a kyum law ba ung näng nak mangkiang ung ngok khai.

MAKUH 8:38

Khanpughi kä shüm ne shetkat nak ah tuhchü akhin ung, kei ah hmawk la kei ah m’theithang ah hmawk ah lü ng’a ciah chang cu, Apa Khanpughi ah bämang nak awn, chang ah Htapa, khanchang theing gui naw’ kiuung u sei a kyum law ba hnüüp ung ani ah hmawk ah lü ng’a nak om khai nei” cine kyak na gui ci.

1 THESSALONIAN 4:16

Khanpughi ah thukhän, khanchang ang vaipi ah thu k’aw, Khanpughi ah phyungheng, ang thang law hnüüp ung, khankho ah kaa Bawipa amät cu kyum lawk khai nei. Bawi Khrit ami yum kawn ah sik ciah chang gui cu tho ba htük khai gui.

LAMKTU 1:11

“Kalile chang gui, a i ah kyak seih khankho ng’düi ne nami dan ang? Nang mi ung ka, nami hmuh ge ah khankhaw ah kai ciah Bawipa Jesuh cuh, acun ah mäih ah kyum law ba khai nei” cine pyein ci gawi.

MATTHE 16:17

Bawipa Jesuh naw, “Johan ah hta Simon, nang ung yeikyai nak om ci, shin ah düng ciah a mawng cu chang naw kä hmat hning ci, Khankho ah om ciah Kapa naw a ning m’thein ah kyak ci.

MATTHE 16:28

Kei naw akcang ka pyein cu, shin ung om ciah chang avan kä a sih pha ung chang ah Htapa cu Ghangpughang ah kya ne law ba khai nei” cine m’cäi gui ci.

MAKUH 9:1

Cun kawn ah Bawipa naw, “Kei naw akcang ka pyein cu, hlüngtai nak awn Khanpughi ah uknak kho gawk law sei, kä ami hmuh phaa ah chuih, shin ah kho ung om ciah chang amshah gui cu kä sik khai gui nei” cine kyak na gui ci.

LUKA 21:27

Cun kawn ah küikyang ciah hlüngtai nak la bämang nak awn be ne, ng’mei bawk ung ng’cum ne lawk ciah chang ah Htapa cu nami hmuk khai.

2 PETER 1:16

Bämang nak awn Bawipa Jesuh Khrit a kyum law ba vai ah mawng ning m’thein gui cu, kami mät ah ngaih-tüh ah kami pyein ah pumah awi ah kä kyak ci. Keimi cu ani ah hlüngtai nak kami mik awn kami hmuk ciah chang ah kami kyak ci.