MAKUH 13:22 - Cho Bible Common Language 2016

²² Messiah ah ng’hlawk ci gui la profet ah ng’hlawk ci gui cu, akda ng’dang lawk khai gui nei. Ngami naw ami näng ah a kyak ung Khanpughi naw a ghü ah chang gui hngaw m’hleei m’hlak nak gui hning vai ah cäicat nak gui vai la cäi aih nak gui vai cu m’dang khai gui nei.

MAKUH 13:22 Referans Kwoze

MATTHE 24:24

Messiah ah ng’hlawk ci gui, profet ah ng’shei ci gui cu dang lawk khai gui nei. Cun gui naw ami m’khüt hning ung, Khanpughi ah ghü ah chang gui pui ami m’hleeihlak nak vai ah cäi aih vai gui la küikyang ciah a mawng gui cu m’dang lawk khai gui nei.

MAKUH 13:6

Chang akda cu kei ah mäih ah ng’hlawk ne lawk khai gui. Ngami naw ami mät cu Messiah ah pyein u ne chang khli cu m’hleei m’hlak khai gui.

1 JOHAN 2:26

Nangmi ning m’hleeihlak ning k’fifaih gui ciah a mawng cu, shin ah ka guk ah kyak ci nei.

MATTHE 7:15

‘Htome ah vun awn ng’hlawp ciah hngei ah mäih ah hleeihlak ne lawk ciah profet gui cu nami geing nak vai.

THU PHLAAN 17:8

Cun ah khiküi cu, ayan a ghin te ung phi tuhbäi kä ghing ba ci nei. Ani cu m’hteilung khui ungka lut law netah, m’di nak gah lawk khai nei. Khomdek khan kä a tüisho pha ge ung, ghin nak cauk ung ami ming kä guk tu ah khomdek chang gui naw, cun ah khiküi ami hmuh ah a kyak ung cäicat khai gui nei. Ani cu ayan ghing te ci, tuhbäi kä ghing ba ci, cun ung phi ghing ne dang law ba khai.

1 JOHAN 2:19

Cun ah chang gui cu a i yah ung phi mikmi awn kä pui m’ca ci gui ah kya ne, na hteh tah gui ci gui nei. Ngami cu mikmi awn a täng ah pui m’ca ci gui ah mi chang ah ami kyak ung mikmi awn a täng ah om khai gui sü te nei. Cun ung phi ngami ami hteh cu, ngami ungka a u chang phi, mikmi awn kä ng’gui ng’phaa ba ci, cicu akdei ah ang dang nak ah kyak ci nei.

JOHAN 4:48

Bawipa Jesuh naw, “Nangmi cu cäi aih gui vai la cäicat gui vai, kä nami hmuh ung kä nami yum ci” cine pyen na gui ci.

THU PHLAAN 13:8

Ami ngawn ah Htomehta ah ghinnak ca-uk ung khomdek khan kä a tüisho pha ge ung a guk ah, ming gui ah kawn ah k’pawih ba ciah chang phung naw khiküi cu khawihnah ci gui.

2 TIMOTHI 2:19

Cun ung phi Khanpughi naw ak khäng ah ling ne ak süm cu kä thüng hlawt ci nei. Cun ah khan ah, “Khanpughi naw a mät ah chang gui cu hmat gui ci nei”, ci la “Bawipa ung khäng pyi ciah pyein ciah chang phung naw cheishoh nak cu a phiawn nak vai nei,” ciah ca cu guk ah kyak ci nei.

THULÄÄN NAK 13:1

Prophet, kä cun ung, mang k’phlan ciah chang naw cäi aih vai, kä cun ung cäicat vai gui a pyen ah a kyak ung,

MAKUH 13:21

“Cun ah khin ung chang tumat mat naw, ‘Teng law tu vä, shi ah Messiah om ci nei, cä ah Messiah om ci nei,’ cine a pyein ung kä nami yum-en vai.

MAKUH 13:23

Nangmi cu ngaih na ne nami om vai, shin ah a mawng gui kä ang dang law pha ung ng’dawt ne ka ning m’thein gui nei.

1 JOHAN 2:18

Ka hta nau gui aw, kho ah khüt nak vai cu ng’et lawk ci nei! Bawi Khrit ah Gaa a gawk law vai ah mawng ning m’thein gui pyi nei: tuhbäi Bawi Khrit ah gaa akda cu dang law pyi ci gui nei, cun ah kyasei kho ah khüt nak vai ng’et lawk ci, cicu mi hmat ci nei.