MAKUH 13:19 - Cho Bible Common Language 2016

¹⁹ Khanpughi naw khomdek a tüi pyan ung tün ne, a i yah ung phi shin ah mäih yaica nak cu, a u naw kä awt man ci, ngawi ah phi a u naw kä bui awt ba khai.

MAKUH 13:19 Referans Kwoze

DANIEL 12:1

Linen sui sui ciah Khanpughi naw pyen ci, “Cun ah akhin ung na chang gui ngäng ciah dämduh ciah khanchang Michaela cu dang lawk khai. Cun kawn ung changpakhui gui ami om kawn ah kä kya man ciah khüikha nak pikbäih ah akhin cu gawk lawk khai. Cun ah akhin a gawk law ung Khanpughi ah ca-uk ung aming ami guk ah na pakhui ungka chang avan cu hun nak gah khai gui.

JOEL 2:2

Cun ah hnüüp cu hmüp ne mü khai nei, le ne ng’mei be khai. Khomhtung gui mü hmüp naw aküm ah mäih ah gakap khagek a chün yong lawk khai. Acau phi shin ah mäih ah kä kya man ci, ngawi ah phi shin ah mäih ah kä kya ba khai.

MATTHE 24:21

Cun ah a khin ung ang htei ah shekak ciah yaica nak gawk lawk khai. Cun hlawk ah shekak ciah yaica nak cu khodek ang tüi law ung tün ne a i yah ung phi chang gui naw kä bui awt man khai gui. Ngawi ah phi bui awt ba vai ah kä kyak ci.

DANIEL 9:26

Cun ah khin ang pyi law hlü ung, Khanpughi naw a ghü ah ang vaihta cu kä taga ciah ngawn khai gui. Mang gaw la Taigüim cu huham mah ciah uktu ah m’gäi ciah gakap naw m’di khai. Ang pyi nak vai cu tuii hlaw ah mäih ah lawk khai. Khanpughi naw a pawng püi ah ng’tuk nak la dishum nak cu law püi khai.

MAKUH 10:6

Cacim ung om ciah mäih ah ak htük ung Khanpughi naw pami la hnumi cu tüisho ci.

DANIEL 9:12

Keimi la kami uktu gui ah khan ah na bi vai ah na pyen cu nang naw na bik ci. Nang naw khomdek khan ah mang gaw gui nicii ah da pi khai ah Jerusalem cu na m’kyuk ci.

NG’ÄI KYAH 2:13

O Jerusalem, m’hni aih ah Jerusalem, kei naw a i ka pyen hning khai aw? Kei naw a i cha ah ka ning shungvong hning khai aw? A u phi shin ah mäih ah kä yai ca khai nei. Nang ah leigai cu khogi kä om ciah tuinu ah mäih ah kyak ci. Ngaih u vai ai phi kä om ci.

THULÄÄN NAK 28:59

ani naw nangmi la nami htangshon gui ah khan ah m’htei ne kä m’khüt vai ah nat nak la kä ng’düm hlawt ciah kyih aih vai ah leigai cu yuk chah lawk khai nei.

THULÄÄN NAK 4:32

“Ng’pyi pyi ciah a khin, kä nami ng’tüi nak pha ah akhin, khomdek khan ung Khanpughi naw chang a tüisho yah ah a khin gui cu shuiyap ba vä. A shin ah mäih ah dämduh ciah a mawng cu kya tu man ne ang? Shin ah mäih ah a mawng ng’ya tu man ciah chang om man ne ang?

NG’ÄI KYAH 4:6

Kei ah ka chang gui cu sodom ung chang gui ah ta nui pi khai ah m’kyuk nak gah ci gui. Acun naw Khanpughi ah kut ungka ang ghit yung kyak nak cu bui ci.

NG’ÄI KYAH 1:12

“Na teng vä “ci ne ani sun pah ci päng ah ma ah kyap ci. A u chang ung phi kei ah m’neh ah mäih kä om khai nei. Cun ah m’neh nak cu Bawipa naw am lungshe yah ung kei ah khan ah a law püi ah kyak ci nei.

MAKUH 13:18

Cun ah akhin cu khosik kho ah kä a kiak-en vai ah nami taigü vai nei.

MAKUH 13:20

Khanpughi naw cun ah akhin cu kä a tawi sak ah a kyak läi ung a u naw sih nak cu kä phiawn ah hlawt khai nei. Cun ung phi, Khanpughi naw aghü pyi ah chang gui ah hmawk ah cun ah khin cu tawi sak khai nei.

THU PHLAAN 7:14

Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.