MAKUH 12:9 - Cho Bible Common Language 2016

⁹ Cun ah a kyak ung kho mah naw a i cha ah bi bik khai ang? Ani cu law ne lo ng’vat ci gui ngawn gui yawp netah, cun ah lo cu a hei gui-am bi sak gui khai nei.

MAKUH 12:9 Referans Kwoze

ROMAN 10:20

Khanpughi naw Isaiah am cun ah tai pi khai ah a thu pyein cu; Kei kä na shui ciah chang gui naw Kei cu na hmuk ci gui; Kei ah mawng kä k’tä, kä shui ciah chang gui naw Kei cu na khawihnah ci gui,” ciah kyak ci.

LUKA 19:27

Cun kawn ah kei ah uknak kä ng’ya hlük ciah kei ah gaa gui cu, kama ah lawpüi ne ngawn gui vä, cine pyein ci” cine m’thein gui ci.

MATTHE 21:43

“Cun ah kyasei kei naw akcang ka pyein cu, Khanpughi ah uknak kho cu nangmi ungka la ba ne, düng nak awn vuipai khai ah chang gui-am pe gui khai.

MATTHE 22:7

Ghangpughang cu ang htei ah m’lung she netah, gakap gui cu tüi gui ne, cun ah chang gui cu ngawn sak gui ne, ami pigaw phi mei awn m’khih gui ci.

MATTHE 12:45

Cun kawn ah amät ah mä shekha pi ciah khoshe pachih cu va khü tu ba gui sei, acun ung a täng ah om ci gui. Cun ah kyasei khoshe ah kai ah chang, ak hnu ah a shetkat nak cu, ak htük ungka ah mä, shekha law pi ci. Shin cu tuhbäi shekhak ciah chang gui ung gawk lawk khai ah a mawng ah kyak ci nei” cine pyen na gui ci.

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

JEREMIAH 17:3

la khomhtung kho häu ung ng’ling ci gui. Nami ga gui naw nami khawh gui la nami m’küm khawh gui avan ami lak vai ah ka bik khai. A i ah kyasei ci ung cun cu kho avan ung katnak nami bi avan ah phäh ah kyak ci.

ISAIAH 65:15

Kei naw ka ghü ah chang gui naw nang ah ming cu plah taam nak ah mang khai. Kei, Uktu Bawipa naw sih nak ka ning pe gui khai. Cun ung phi kei na ngai ciah chang am ming ak thai ka pek khai.

ISAIAH 29:17

Thu k’thuuk ung om cicu tuh bäige khawbung ah kyak cicu luma ah kya lawk khai, loma cu khawbung bä ah kya ba khai, ciah kyak ci.

JOSHUA 23:15

Ani naw shai atak päng pang ne, nangmi ung bii bik ci, cun ah kyasei ani naw shedam nak päng law püi khai.

MATTHE 21:34

Sapyit khäm vai akhin gawk law sei, ak changshäm gui cu lo ng’vat ci gui ah tüi gui ne, a gah vai ah ak phlam cu lak sak gui ci.

MAKUH 12:8

Ani cu pha ne ngawn u ne, ng’vong pung ah ghawt ci gui.

MAKUH 12:10

Cacim ung om cicu nami phat man khai nei; ‘Lung im co ci gui naw, ami nawng düt ah lung cu, Ak küikyang pibäih ah lungtung ah kya lawk ci nei.