MAKUH 12:40 - Cho Bible Common Language 2016

⁴⁰ Hmeinu gui ah khawh cham gui gut u netah, chang naw ang ngaih ung ani vai düt ah akshonu taigü ci gui. Cun ah kyasei ngami ah khan ah Khanpughi naw am katnak gui cu khak pibäih khai” cine kyak na gui ci.

MAKUH 12:40 Referans Kwoze

LUKA 20:47

Hmeinu gui ah khawhchaam phi gut ci gui. Chang naw aktung ah ang ngaih gui vai ah ang sau nu ah taigü ci gui. Ngami ah khan ah Khanpughi ah m’kat nak däm pi khai nei” cine m’thein gui ci.

MATTHE 23:33

K’phyu m’äm ah gui lah k’phyu m’äm-ah ah hta gui, nangmi cu m’hteimei ung luh nak vai ung kaa, a i chaa nami phyawng khai ang?

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

MATTHE 6:7

‘Nami taigü ung Khanpughi kä yum ci gui ah taigü ah mäih ah lawmkaam düt ne kä nami taigü vai. Ngami cu aksho ang sau ah taigü ung gah vai ah ngai ci gui.

2 TIMOTHI 3:6

Cun ah chang gui ungka amshah gui cu, chang gui ah im ung lut u ne, ami thuvi nak awn, ami shetkat nak ung geinvai u ne, ng’yak hlü nak nüng ah tüihtok nak ung om ciah hnumi gui cu, ami kut ung gawk khai ah cik ci gui nei.

EZEKIEL 22:25

Ami ng’vai gui cu phongkawng alawh vai ah khisa ah khan ah am ngaw ah mäih ah kyak ci gui. Ngami naw chang ngawn ci gui, ami ngui avan la ami khawh ami gah hning phung cu lak ci gui, chang ami ngawn gui naw hmeinu akda nawng shüt ci gui.

MIKHAH 2:2

Lai ami m’hni ung lai lak ci gui, im ami m’hni ung im lak ci gui, a u ah kyong khui khawh cham phi kä ng’geing ci.

MATTHE 23:14

(Thuvi ciah pharisee gui la thukhän saya gui, nangmi ung thüisei nak om ci. Nangmi naw hmeinu gui ah khawh chaam gui cu käng düng ciah lam awn lak pe u netah, chang naw a hmuh ng’yak ung nik khai ah ang sau aih ah nami taigü ci. Acun ah phäh ah nangmi cu nui pi ciah m’kat nak nami gah khai.)

MAKUH 12:39

Pum im kyong ah phi ng’khoikhei hlük ci gui, ng’bum law nak ung phi ani nak pibäih ung ngo hlük ci gui,

2 KORIN 11:20

Nangmi naw ning täk phan gui ci, ning m’yung m’ya na gui ci, ning hlawt na gui ci, a i ah kä ning sui tu gui ci, nami hmai ning k’beei gui ci, gui cu nami hniimgei ci.