MAKUH 12:37 - Cho Bible Common Language 2016

³⁷ Shin ung David amät naw Messiah-am Bawipa cine khü ciah kyasei, a i cha ah Messiah cu David ah hta ng’shon ah kya hning khai ang?” cine m’theithang gui sei chang gui naw yeikyai ne ngai yak ci gui.

MAKUH 12:37 Referans Kwoze

THU PHLAAN 22:16

“Kei Jesuh naw nangmi Khrithabum gui-am shin ah a mawng gui cu shäu ne ning m’thein gui khai ah ka khankho chang cu ka tüi lawk ci nei. Kei cu David ah hta ng’shon ah ka kyak ci, ng’shü ne khang ciah thaihke aisi ah phi ka kyak ci.”

JAMES 2:5

Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

ROMAN 9:5

Ngah mi cu mingthang ciah Hebru hta ng’shon ah kyak ci gui. Bawi khrit cun phi hnicim chang pumsa ung ngah mi ah pakhui ah kyak ci. Ang tüi avan uk ciah Ka Khanpughi cu angtäi sei hlüngtai nak om sä! Amen.

JOHAN 12:9

Bawipa Jesuh Bethani ah a gawk law cu ng’yak u netah chang akda gawk law ci gui. Ngami cu Bawipa Jesuh ami hmuh vai bäng ah kä kyak ciah, Bawipa Jesuh naw sih nak ungka am ghin ba ah, Lasaruh phi hmu hlük ci gui.

LUKA 21:38

Chang gui cu ang thu ngai tuk khai gui ah kho ngawi ah ng’dawt ne pum im ah law ci ci gui.

LUKA 19:48

Cun ung phi chang akda naw Bawipa Jesuh ah ng’thu cu, aktung ah ngai ci gui kyasei, a i chaa ah ngawn vai cicu kä hmat ci gui.

MATTHE 21:46

Cun ah kyasei ngami naw Bawipa Jesuh cu phaa vai ah k’tha nak ci gui. Cun ung phi ngami naw, “Bawipa Jesuh cu profet nei,’ cine yum ciah chang gui cu kyih gui ci gui.

MATTHE 11:25

Cun kawn ah Bawipa Jesuh naw, “Khankho la khomdek van uk ciah kapa, hmuhmat nak om ci gui-am kä nam dang gui cu, hmuhmat nak kä om ci gui-am m’dang gui ci sei ka ning m’hlüngtai ci.

MATTHE 11:5

Amik m’dauh gui, m’dei ba ci gui, shumkhem ci gui hteithon ba ci gui, kheilei ah ei gui theek ba ci gui, akpang ak ang gui ng’lang ba ci gui. Aksi gui ghing ba ci gui. Chang pyaam gui naw ng’thu k’ni ng’ya pyii ci gui.

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

MATTHE 21:45

Bawipa Jesuh naw, cun na m’tumtäng nak am thein gui cu taigüpa gui la pharisee gui naw, ng’ya u netah, ngami k’ü nak gui ah a pyein ah hmat ci gui.