MAKUH 12:36 - Cho Bible Common Language 2016

³⁶ Mumcha Theing naw David ang thu m’sak cu; ‘Khanpughi naw ka Bawipa-am, Nang ah na ga gui cu, na kho pha kaa ah, Kä ka gawk sak pha ah chuih, Kei ah kak pat lam ah na ngoh vai nei’ cine kyak nak ci” ciah kyak ci.

MAKUH 12:36 Referans Kwoze

SAM 110:1

Bawipa naw ka bawipa am, “Ka patlam ah shin ung ngaw ä, Na ga gui cu na kho ka ah kä ka ngon sak pha ah chuih ngaw ä” pyen nak ci.

HEBRU 1:13

Khanpughi naw, a u khanchang am phi, “Na gaa gui avan na kho kaa ah, Kä ka gawk sak gui yawp pha ah chuih, Ka k’pat lam ah na ngoh vai nei,” ci ne kä kyak na man ci.

1 KORIN 15:25

Khanpughi naw gaa gui avan tu ne m’shiu ne, a kho kaa ah a gawk sak ung khüt sei Bawi Khrih naw a van uk khai.

LAMKTU 1:16

Cun kawn ah Peter cu ng’düi law ne tah, “Phäi näu gui aw, Bawipa Jesuh phak khai gui am, lam shüm gui ciah, Judas Iskariot ah mawng ca ng’cim ung om cicu küm pyi ci nei. Cun ah ca ng’cim cu Mumcha Theing naw David ah ng’thu awn a pyein ah kyak ci.

NEHEMIAH 9:30

Kum law ba kum law ba sei nang naw m’lung sau ne na m’cäi gui ci. Nang naw na prophet gui ami ng’thu vai na m’shum phyuk gui ci, cun ung phi na chang gui cu pang ci gui, cun ah kyasei nang naw a hei pakhui gui am na näng sak gui ci.

2 SAMUEL 23:2

Bawipa ah mümcha cu kei ung ng’thu pyen ci; Ani ah ng’thu cu kei ah m’lei ung om ci.

2 PETER 1:21

A i ah kyasei ci ung, a i thu thuuk phi chang ah ng’yak hlü düt ah dang lawk ciah kä kyak ci, Mumcha Theing ah lamshäm nak awn vah chang gui naw, Khanpughi ah thuthuuk cu ami pyein ah kiak ci.

1 PETER 1:11

Cun ah m’gein nak cu a i ah khin ung, a i chaa ah gawk lawk khai ci cu ami hmat vai ah k’tha na man ci gui. Ngami ung om ciah Bawi Khrit ah Mumcha naw, cun ah khin ung a geinvai nak vai ah mawng la, cun kawn ah agawk nak vai ah bämang nak ah mawng cu ng’daut ne dang sak ci.

HEBRU 4:7

Cun ah ami gah mawng cu, Khanpughi naw “Tuhngawi” ciah ming khai ah am hnüt ah hnüüp naw dang sak ci nei. Khokum ak sho lüng khätah, acun ah mawng cacim theing ung, David am, am thein cu; “Tuhngawi nangmi naw Khanpughi ah k’aw cu nani ng’yak ah a kyak ung, Nami m’lung kä ling-en sä,” ciah kyak ci.

2 TIMOTHI 3:16

Cacim Theing avan cu Khanpughi naw Mumcha hlüngtai nak awn ak be ah kyasei, thu thuuk m’theithang nak, m’cäi m’ä nak, cheishoh m’dang nak, sheitkat pyan nak, la düng sei ghin nak vai ah m’shümthein nak gui ah mawng ah kyak ci.

LAMKTU 28:25

Paul naw shin ah a mawng tumat cu pyein khä tah, ami mät gui ng’cuh ng’can u ne, ng’düi law ne hteit ba ci gui. Paul naw, “Mumcha Theing naw, prophet Isaiah ung, nami pupa gui am, am dang cu ni bä bä ci nei!

MATTHE 5:35

Khomdek khü na kä nami ng’phyun vai, khomdek cu Khanpughi ah kho ng’leh nak ah kyak ci. Jerusalem gawnu khü ne kä nami ng’phyun vai, Jerusalem cu ghangpughang ah mang gaw ah kyak ci.