MAKUH 12:33 - Cho Bible Common Language 2016

³³ Khanpughi cu m’lung kyong avan, hmuhmat nak avan la k’tha gui avan nawn m’hni vai, mät ah paw chang cu mät awn m’täng ne m’hni vai’ ciah thukhän hnih läk cu Khanpughi-am ak ghing ngawn ne m’khih ne khawihnah nak la Khanpughi-am a hei gui peit nak nüng ah tah bä pi ci nei” cine pyein tu ba ci.

MAKUH 12:33 Referans Kwoze

HOSEA 6:6

Kei naw ng’täi ciah anmi m’hni nak cu ka ng’ya hlük ci. Seime awn nami khawihnah nak ah kä kyak ci. Kei ah ka chang gui naw m’khih ne douthak ah dam ah ami na hmuhmat vai cu kei naw ka m’hni ci.

1 SAMUEL 15:22

Samuela naw, “A i ang Bawipa naw a yum pi; ang thu ngaih ang, khawihnah dou thak ang? Htome ak bä pi awn khawihnah ah ta ang’thu ngaih cu bä pi ci nei.

MATTHE 12:7

Cacim ung ‘Kei naw ngawnsheh vawihpeh ah mä, m’gein nak cu kamhni pi ci,’ ciah om ciah a mawng cu nami hmat vai sü ung, katnak kä bik ciah chang gui düt thüi nah ne kä nami m’kat gui khai sü te.

MATTHE 9:13

Kei cu peit taak ah mä m’gein nak kam hni pi ci, ciah cacim cu teng ne vang ngaih-tüh ba vä. Kei cu chang k’ni gui ka hun gui khai ah ka lawk ciah kä kyak ci, changshe gui ka hun gui khai ah ka lawk ei nei,” cine pyen na gui ci.

SAM 50:23

M’hlüngtai nak khawihnah ne bik ciah chang cu, kei na m’taam khah ciah kyak ci, kei na läk ciah chang phung cu akcang ah ka hun khai nei.

HEBRU 10:8

Akhtük bäih ah Bawipa naw, “Ghuthaa nak, peittaak nak, sei me m’khih ne kiang ung vawihpeh nak gui la cheishoh nak gui cu ghuthaa nak awn nawtpet nei, ci gui cu, thukhän ah ng’shui ah bi ah kia pang sei phi, Khanpughi naw kä am hni, kä ang yak hlü ah kiakci nei.

NG'THU K'THUUK~ 21:3

Düng ci, bä cicu na bi vai, cun naw khawihnah nak law püi ah ta Bawipa cu yei sak pi ci.

THULÄÄN NAK 6:5

Bawipa na Khanpughi cu nam lung kyong avan, na ngaih-tüh avan, na thagui avan awn nam hni vai.