MAKUH 12:29 - Cho Bible Common Language 2016

²⁹ Bawipa Jesuh naw, “Israel chang gui, ngai vä, mikmi ah Bawipa Khanpughi cu tumat bäng nak ciah Khanpughi ah kyak ci.

MAKUH 12:29 Referans Kwoze

THULÄÄN NAK 6:4

“Israel gui, shin cu shüm ba vä. Bawipa amät bäng cu mikmi ah Khanpughi nei.

LUKA 10:27

Acun ah chang naw, “Na Khanpughi na Bawipa cu, na m’lung kyong avan, na hmuhmat nak avan, na k’thagui avan la na ngaih-tüh nak avan nawn na m’hni vai; na ng’kho chang cu na mät awn m’täng ne nam hni vai” ciah om ci nei cik ci.

KALATIAN 3:20

Cun ung phi chang tumat bäng naw abi ah kya ne, ng’shä kä hlü ba ci: Khanpughi cu tumat bäng ah kyak ci.

ROMAN 3:30

Khanpughi cu tumat bäng om ci, Jew chang gui cu ami yum nak awn amät ung düng sak gui khai; acun ah mäih ah chang khui hei gui cun phi ami yum nak awn amät ung düng sak gui khai.

JUDE 1:25

Jesuh Khrit Bawipa awn na hun k’phyawn gui ciah tumat bäng nak ciah Khanpughi cu cau puyinpamthak ung tüi ne, tuhbäi akhin, ngawi yä hta ng’shon ung, bämang hlüngtai, kuikyang huham ne om sä! Amen.

1 KORIN 8:4

Cun ah kya sei a gup am sonkian ah ei cu ei ah mawng pyein ah a kyak ung, a gup cu akcang ah ghing om ciah a gup ah kä kyak ci, cicu mi hmat ci; Khanpughi tumat bäng om ci, ci cun phi mi hmat ci.

JAMES 2:19

Khanpughi tumat bäng om ciah nami yum ci, bä ci! Khoshe gui naw phi acun ah yum ne, kyi ne ng’khlet ci gui.

1 TIMOTHI 2:5

Khanpughi tumat bäng om ci, Khanpughi la chang ah ng’lak ung geilam pyang ciah, Bawi Khrih Jesuh phi tumat bäng ah kyak ci.

THULÄÄN NAK 30:6

Bawipa nami Khanpughi naw nangmi la nami htangshon gui am ang thu ngaih nak m’lung ning pe gui khai. Cun ah kyasei nangmi naw nami m’lung ngaih avan awn nami m’hni khai. Nangmi cu cun ah khaw ung k’täi ne nami om lä khai.

1 TIMOTHI 1:5

Cun ah khäntam nak ah a mawng cu, theing ciah nikiom nak, ciim ciah lung ngaih la ng’khän ciah yum nak cu, thawhlet sak nak hlü ah kia ci.

MATTHE 23:9

Khomdek khan ah a u phi ‘Pa’ ah kä nami khü vai, nangmi ung khankho ah nami pa tumat bäng om ci.

MATTHE 10:37

‘Kei ah mä, anu apa m’hni pi ciah chang cu kei ah düihpüi ah kä kya hlawt khai. Kei ah mä, a hta m’hni pi ciah chang cu, kei ah düihpüi ah kä kya hlawt khai.

THULÄÄN NAK 10:12

“Tuhbäi, Israel chang gui, Bawipa nami Khanpughi naw a i a ning thäh gui cu ngai vä. Bawipa khawihnah vä, a thumkhän avan bi vä, ani m’hni vä, nami m’lung kyong avan awn abi bi vä.

NG'THU K'THUUK~ 23:26

Ka hta aw, na m’lung ngaih na na pek vai. Ka ghin nak cu na ng’thei thei vai nei.

SAM 86:10

Nang cu m’gäi ne cäi aih vai gui na bik ci. Nang bäng cu Khanpughi ah na kyak ci nei.