MAKUH 12:14 - Cho Bible Common Language 2016

¹⁴ Cun ah chang gui cu Bawipa Jesuh ah law u netah, “Bawipa, nang naw ng’düng nak awn thu na pyein ci, chang ah ngaih kä nam tung ci, chang ah hmai kä na teng ci, Khanpughi ah ang yak hlü ah ng’düng ciah nam theithang nak cu kami hmat ci nei. Cun ah kyasei Roman ghangpughang-am k’phlam peit vai ang, kä peit vai ang, keimi naw mä kami pek khai ang kä kami pek khai ang? cine phawtcam nak awn ng’shik ci gui.

MAKUH 12:14 Referans Kwoze

1 THESSALONIAN 2:4

Khanpughi naw ang yak hlü ah ana ng’thu sak gui ah mäih ah keimi angtäi sei thu kami pyein ci; a i ah kyasei ci ung ani awn ng’müi ne ng’Thu Ni awn ng’ap vai ah a nam khoi m’cha gui pyi ah hmawk ah kyak ci. Keimi cu chang naw ana yei nak gui vai ah kä kami k’tha nak ci, kami m’lung kyong nam nüm gui ciah Khanpughi naw ana yei nak gui vai ah kami tha nak ci.

KALATIAN 2:6

Ang vai ah ng’shei ci gui, a u naw phi kei-am ak thai kä na m’shüm thein tuk ci gui. Ngami ang vai ah ami kyak la kä ami kyak cu kei ah hmawk ah kä küikyang ci, a i ah kyasei ci ung Khanpughi naw ak pung a teng nak awn a i kä m’khoichak ci.

KALATIAN 1:10

Cun ah ka pyein cu chang naw a na k’bääi vai ah ka pyein ah kya ne ang? Cun ah kä kyak ci, Kei ah ng’yak hlü cu Khanpughi ah nak bääi vai bäng ah kyak ci. Kei cu chang ah na chang m’sui vai ah ka k’tha nak ciah kya ne ang? Cun ah ka k’tha nak ciah a kyak ung kei cu Bawi Khrit ah changshäm ah kä ka kyak khai.

2 KORIN 5:16

Cun ah kyasei keimi naw chang ah m’hnüt nak awn, a u kä kami m’khoi cha ba ci. Yanä keimi naw, Bawi Khrih cu chang ah m’hnüt nak awn kami m’khoichaa man ung phi, tuhbäi cun ah kä kami kya ba ci.

2 KORIN 5:11

Keimi cu Khanpughi kami kyih aa ci kya ne, chang gui cu kami m’cäi m’ä gui ci. Khanpughi naw mikmi cu na hmat gui yüm ci; nangmi naw kei ah mawng cu nami m’lung kyong ah, nami hmat yüm khai ah ka ngai ci.

2 KORIN 2:17

Keimi naw a hei chang gui ah so ah, Khanpughi ah ng’thu cu, a phu k’yän khawhchaam ah mäih ah kä kami sumlei nak ci: Khanpughi naw ana tüih gui ah kyasei, amaa ah ang thu cu, Bawi Khrih chang shäm ah kya ne ng’düng sei kami pyein ci.

2 KORIN 2:2

Nangmi nami m’lung kä nik khai ah ka bi ung, a u naw kei na yei sak khai ang? Kei ah hmawk ah am lung kä nik ci gui ah kawn ah na yei nak ci a u kä om khai nei.

JOHAN 7:18

Amät ah ng’yak hlü pyeinsak ci cu, amät ah mingthang nak vai ah kyak ci. Cun ung phi tüi lawk ciah mingthang vai ng’ya hlük ci naw, düng nak awn ng’thu pyein ci, ani ung hleeihlak nak kä om ci.

ROMAN 13:6

Shin ah a mawng ung nang mi cu kphlam phi nami m’cu ci. A i ah kya sei ci ung, uk ciah bawi gui cu ami bi m’htei ne ami bi ah a kyak ung Khanpughi ah khuut bik ci gui ah kyak ci.

LUKA 23:2

Ngami naw, “Shin ah chang kami pha ah mawng cu Khanpughi-am k’phlam kä pe ba vä, cine chang gui m’cäi gui ne, amät naw amät phi ‘Kei Messiah nei, Kei ghangpughang nei’ cine kya sei, kami hmuk ci nei” cine kyak ci gui.

LUKA 20:22

Cun ah kyasei, akcang cu na m’thein gui ä: Roman ghangpughang am k’phlam kami ap khai ang? kä kami ap khai ang?” ci ne ng’shik ci gui.

MAKUH 14:45

Judas cu a gawk law vai-am Bawipa Jesuh ah pei ah law netah, “Ka Bawipa, cine Bawipa Jesuh cu ng’ui ci.

MATTHE 22:17

Cun ah kyasei nang naw a i ah na ngaih cu nam thein gui ä, ‘Ghangpughang-am a khon look ne peit vai ang, kä peit vai ang?” cine ng’shik ci gui.

MIKHAH 3:8

Cun ung phi kei cu Bawipa naw a mümcha la ahuham awn nakbe ne, taga nak ah mawng la Israel gui ah katnak m’thein nak gui vai ah thagui na pek ci.

JEREMIAH 42:20

nangmi cu aktung ah nami hma ci, nangmi ah hmawk ah Bawipa mi khanpughi ah tiagü vai ah nami na K’thäh ci, ani naw ang thumkhan phung nami bik kai ah phi shai nami tak ci.

SAM 120:2

Bawipa, hleeihlak nak la thuvi nak ungka, na hun ä.

SAM 55:21

Ani ah ang thu cu suuktui ah hnip pi ci, cun ung phi am lung kyong ah thüi nak om ci; Ani ah angthu cu situi mäih ah a dän ung phi, chim ah mäih ah ghat ci.

NEHEMIAH 9:37

Keimi ka hmakak ci kyasei, kami khaw ung theihpai ci phung cu, kami khan ung na tha ah ghangpughang gui ah gawk yawp ci nei. Keimi la kami seime ah khan ah ngami naw ami m’hni ah bik ci gui nei, cun ah kyasei keimi kami khüikha aih ci nei!”

2 SHONTÄP NAK 19:7

Bawipa cu kyih aa ne geing na ne nami bilawh vai, a i ah kyasei ci ung Khanpughi naw m’thüikhang nak chang ah hmai teng nak, ng’mü khawh don nak cu kä ng’ya hlük ci.”

2 SHONTÄP NAK 18:13

Cun ung phi Mikaiah naw, “Ghing ciah Bawipa ung, ka Khanpughi naw ka pyen vai ah a na m’thein cu ka pyen khai!” cik ci.

THULÄÄN NAK 16:19

Ngami cu kä taga ciah kä kyak khai gui, ami ng’thumcha nak ung m’khoihnga nak kä m’dang khai gui. Ng’mü khawh kä dou khai gui, cüivai ci la düng ci chang ah mik phi m’cümhnah nak naw m’dauh sak ci. Acun naw hma ci m’hnüt bäi nak pe gui ci.

2 KORIN 4:1

Khanpughi naw chimgein nak awn a khuut bi vai ah na pe gui sei, k’tha dam nak vai a i kä om ci.

MATTHE 22:16

Ngami naw a ming khah püi gui la Herod ah pati chang gui cu, tüi gui u netah, Bawipa, nang naw akcang pyein ne chang ah hmawk ah Khanpughi ah ng’yak hlü cu nam theithang ci, chang gui ah m’lung ngaih cu kä nam tung ci, chang ah hmai phi kä na teng ci.

MAKUH 12:13

Cun kawn ah pharisee amshah gui la Herod ah pati chang amshah gui cu Bawipa Jesuh ah tüi law u ne, phawtcam nak ah ng’shi sak gui ci gui.

MAKUH 12:15

Bawipa Jesuh naw ngami ah phawtcam nak cu hmat netah, “Nang mi naw a i ah kyasei kei ka shetkat vai ah nami ng’yak hlü ang? Tangka tumat ka teng vai law püi vä” cine kyak na gui ci.