MAKUH 12:11 - Cho Bible Common Language 2016

¹¹ Shin cu Khanpughi ah bi bi ah kyak ci, Mik mi ah ma ah cäicat aih vai kyak ci nei” cine kyak na gui ci.

MAKUH 12:11 Referans Kwoze

SAM 118:23

Cun cu Bawipa ah bi ah kyak ci; a i hlawk ah hmu ne cäi vai kyak ci ang!

HABAKKUK 1:5

Bawipa naw a chang gui am, “Nami pei ng’leng ah pakhui gui cu teng vä, Nami hmuh gui ung nami cäi khai nei. Nangmi naw nami ng’yak ung kä nami yum hlawt vai cu kei naw ka bi lawk khai nei.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

KOLOSE 1:27

Khanpughi ah ng’bü nak cu, ng’yih cicu ak chang gui-am hmat sak gui vai ah kyak ci. Cun ah ng’yih ciah bä nak la mang nak cu, ak chang gui ah hmawk ah kyak ci. Cun ah ng’yih ci cu, Bawi Khrit nangmi ung om ci, ciah kya ne, a mawng cu nangmi naw Khanpughi ah bämang nak nami ng’pai tuk khai, ciah kyak ci.

LAMKTU 2:12

Ngah mi cu ang’htei ah cäicat u ne tah, “Shin ah mawng cu a i hawk cha leng leng ang? cine ami mät ng’ce cäk ci gui.

KHEI NAK 23:23

Ngami pluh sheh nak vai, cunkce a i kä om ci. Cun cu Israel pakhui ung hnungtuk ne mang ne kä gah nei. Tuhbäi chang gui naw Israel gui ah mawng cu ‘Khanpughi naw abi cu teng nei,’ cine pyen khai gui.

ATÜNNAK 24:50

Laban la Bethuela naw, “Shin cu Bawipa ungka lawk ciah kyak ci. Keimi naw kami pyen vai a i kä om ci.

SAM 118:22

Im co ci gui naw ghäuh ne ami nawng ah lung cu, ng’lat ba ne, avan ung aküikyang pi ah kya lawk ci.

MATTHE 21:42

Bawipa Jesuh naw, “Shin ah cacim cu kä nami phat tu man ci kya ne maa? “Lung im co ci gui naw ghü ne ami ghäih ah lung cu, Ak tung pibäih ung düi ciah lung ah kya lawk ci. Cun cu Bawipa ah bi ah kya ne, ang htei ah cäicat vai ah kya ci.