MAKUH 12:1 - Cho Bible Common Language 2016

¹ Cun kawn ah Bawipa Jesuh naw ngami-am m’tumtäng ne am thein gui cu, “Chang tumat naw sapyit lo cu bi ne, geit ne ng’vong ci. Sapyit m’theih m’seh nak vai ah khui phi shawk ne, tängkyäng phi co ci. Cun kawn ah ani cu a sapyit lo khah gui ne bi sak gui netah, a kho hei yung ah hteit ci.

MAKUH 12:1 Referans Kwoze

MAKUH 13:34

Cun ah mawng cu shin ah m’tumtäng nak awn täng ci; Chang tumat cu a kho hei ah hteit vai netah, a im cu ak chang shäm gui-am ap gui shüt ci. Ngami-am ami bi phäh phäh vai ah bi cu phäh m’sak gui ne ap gui shüt ci. M’kawt ngäng ci-am phi geing na ne a ngäng vai ah m’cäi shüt ci.

MAKUH 4:2

Chang gui cu tui kem ah ng’düi ci gui. Bawipa Jesuh naw amawng alam akda cu m’tumtäng ne m’theithang gui ci.

MATTHE 25:14

“Cun ah khin ung khankho uknak cu shin ah mäih ah kyak khai. Hnüp ät ung chang tumat cu lam hteit khai ah pawng m’hteim ci, ani naw ak changshäm gui khü gui netah, a khawh cu ap gui ci.

LAMKTU 7:38

Ani cu bung puk ah om ci gui ah Israel chang gui, kami pu pa gui lah Sinai khaw m’htung ung ng’thu püi ciah khankho chang awn atäng ah om ciah chang ah kyak ci. Mikmi am ana peit gui vai ah Khanpughi ah ghing ciah ng’thu gah ciah chang ah phi ki ak ci.

LUKA 19:12

Cun ah kya khätah Bawipa Jesuh naw, “Mang ah hta tumat cu, ghangpughang ah kya law vai netah, akho hei ah a shäng hteit ci.

LUKA 15:13

Kä shou pha sei a hta ak hmaw pi cu, apa ah khawh chaam avan yoi ne, a gah ah ngui avan hteh püi ne, a kho hei ah hteit ci. Ani cu a gawk nak ah kho ah a ngui gui cu a i baw düt ah ci ne ei mang yawp ci

LUKA 8:10

Bawipa Jesuh naw, “Nangmi läi cu Khanpughi ah thuuk ne ng’kau ciah khankho ah mawng cu nami hmat pyi ci. Cun ung phi chang akda cu teng lang ne kä hmuk ci gui, ng’ya lang ne kä hmat ci gui kia sei, m’tumtäng ne m’thein gui ah kyak ci nei” cine pyein ci.

MATTHE 21:28

Cun kawn ah Bawipa Jesuh naw, “Nangmi naw a i hawkcha ah nami ngai ci ang? Chang tumat ung a htapa pahnih om ci. Ani cu a hta ng’vai ba ah hteit netah, ‘Ka hta tuhngawi sapyit lo ah hteit ne bi na bi vai,’ ci nak ci.

EZEKIEL 20:49

Cun ung phi kei naw ka m’shang ba ci, “Uktu Bawipa, cun ah kä na bi sak en ä! Kei naw ak phlüt ah ng’thuzi awn ka ng’thu ciah chang päng naw pyen law pyi ci gui nei.”

JEREMIAH 2:21

Kei naw nang cu bä ciah sapyit ah mäih ah ni pikbäih ciah m’shi ungka ka ning geit ci. Cun ung phi a i ah na kyak law cu teng ä! Nang cu chawng ne akolä ah kyak ciah sapyit ah mäih ah na kyak ci.

ISAIAH 7:23

“Cun ah khin a gawk law ung, sapyit la akni gui ung phi agha ciah phung ghing ne ngui phya gha ci phu nak ciah sapyit gui cu ng’hling k’cam gui la ng’hling gui naw li shi khai gui.

LUKA 22:9

“Ngani naw, “A hawi ah kani na pyan vai ang?” cine ng’shi ba ci goi.

MATTHE 13:3

Bawipa Jesuh naw cun ah chang gui-am, m’tumtäng bäng bäng ne a mawng akda m’thein gui ci. Bawipa Jesuh naw, “Hnüüp ät ung chang tumat cu m’shi phu khai ah hteit ci.

MATTHE 21:33

“A hei tumtäng nak tumat cu ngai vä, sapyit akda geit ciah khomdek mah tumat om ci. Ani cu lo avan ng’vong ne sapyit neen nak vai khui phi shawk ci, shaam tumat phi co ci. Cun kawn ah a sapyit lo cu chang gui-am ak phlam a ei vai ah m’kai ne khah gui netah, a kho hei ah hteit ci.

MATTHE 21:34

Sapyit khäm vai akhin gawk law sei, ak changshäm gui cu lo ng’vat ci gui ah tüi gui ne, a gah vai ah ak phlam cu lak sak gui ci.

MAKUH 3:23

Bawipa Jesuh naw ngami cu khü gui netah, m’tumtäng nak awn “A i hawkcha ah khoshe naw khoshe cu k’täm hning khai ang?

MAKUH 11:33

Cun ah kyasei ngami naw, “Kä kami hmat ci nei” cine pyein ci gui. Cun ah kyasei Bawipa Jesuh naw, “A cun ah mäih ah kei naw phi, shin ah a mawng ama gui cu a i huham awn ka bi ah, kä ka ning m’thein gui khai” cine kyak na gui ci.