MAKUH 11:9 - Cho Bible Common Language 2016

⁹ Bawipa Jesuh ah a hnu ah hteit ci gui la ama ah hteit ci gui naw, “Khanpughi cu m’hlüngtai vä, Khanpughi ah ang ming awn kyum lawk cicu yeikyai nak om sä.

MAKUH 11:9 Referans Kwoze

MATTHE 21:9

Bawipa Jesuh ah a hnu ama ung ana dou law ne läk lawk ciah chang gui cu, “David ah Htapa cu m’hlüngtai vä! Bawipa ang ming awn kyum lawk cicu Khanpughi naw yeikyai nak pe sä! Khanpughi cu m’hlüngtai vä,” cine m’lau ci gui.

MATTHE 23:39

Kei naw tuhbäi ka pyein cu, ‘Bawipa ming awn kyum lawk cicu Khanpughi naw phyutheh nak be sä,’ cine kä pyein pha ah chuih nang naw kei cu kä na na hmu ba khai nei,” ci ne pyein ci.

JOHAN 19:15

Ngami naw, “Ngawn vai nei, ngawn vai nei, kutlamtung ung tai ne ngawn vai nei” cine m’lau ci gui. Pilat naw, “Nami ghangpughang cu kutlamtung ung tai ne ngawn vai nami ng’ya hlük ci ma? cine pyen na gui ci.

JOHAN 12:13

Ngami cu hliip hnah, m’chum hnah gui kawt ne law u netah, “Khanpughi ah bämang nak cu m’hlüngtai vä! Khanpughi ah ang ming awn kyum lawk ciah Bawipa ah khan ah hlüngtai nak om sä! Israel Ghangpughang ah khan ah Khanpughi ah m’shumphyuk nak om sä!” cine m’lau ne Bawipa Jesuh cu ana dou ci gui.

MAKUH 11:8

Cun kawn ah Bawipa Jesuh cu ng’se ung ng’cum ne hteit ci. Chang gui naw ami yih ng’vai gui cu lam ung ana phah ci gui. Am shah naw sing hnah gui tuh ne lam ung ana phah ci gui.