MAKUH 11:33 - Cho Bible Common Language 2016

³³ Cun ah kyasei ngami naw, “Kä kami hmat ci nei” cine pyein ci gui. Cun ah kyasei Bawipa Jesuh naw, “A cun ah mäih ah kei naw phi, shin ah a mawng ama gui cu a i huham awn ka bi ah, kä ka ning m’thein gui khai” cine kyak na gui ci.

MAKUH 11:33 Referans Kwoze

2 KORIN 3:15

Tuhngawi güt, Moses ah thukhän ami phat ba phung ung ami m’lung cu, tampu naw shung gui lä ci.

ROMAN 1:28

Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.

JOHAN 9:27

Ani naw, “Hnü ät ka ning m’thein gui pyi ci, kä nami ngai ci, a i ah kyasei nami ng’yak ba hlü mä ang? Nangmi mä ani ah chang ah nami kya tu hlük ci ma?” cine ng’shi tu ba gui ci.

JOHAN 3:10

Bawipa Jesuh naw, “Nang cu Israel chang gui ah saya ng’vai ah kia lang ne, cun ka cicu kä na hmat ci ma?

MATTHE 21:27

Cun ah kyasei ngami naw, “Kä kami hmat ci nei,” cine m’hlan ba ci gui. Cun kawn ah Bawipa Jesuh naw, “Kei naw kabi ah mawng gui phi a i m’khüt näng nak awn kabi ah kä ka ning m’thein gui khai,” cine kyak na gui ci.

MATTHE 16:4

Tuhchü chang gui cu ang htei ah shetkat u ne, düng nak kä om aih ci gui nei. Nangmi naw cäi aih vai nami thäh ci, cun ung phi Jonah ah m’dang ah cäi aih vai ah kawn ah a i nami hmuh vai kä om ci nei,” cine pyen na gui ci. Cun kawn ah Bawipa Jesuh cu pawng ne a hei lam ah hteit ba ci.

MATTHE 15:14

Cun ah kyasei ngami ah hmawk ah kä nami ng’ä vai, ngami cu amik käm dei ci lam shüm tuk ciah amik m’dauh gui ah kyak ci gui. Amik m’dauh naw amik m’dauh cu lam am shüm ah a kyak ung, ani nik hnih cu m’ghawng ah lut khai goi nei,” cine m’cäi gui ci.

ISAIAH 56:10

Ani naw pyen ci, “Kei ka chang gui ng’thu k’bäi khai gui ah, ai ng’vai gui ami van cu m’dauh ci gui nei? Ngami a i kä hmat ci gut, Ngami cu im ngäng ciah uk kä ng’nak ciah mäih ah kyak ci gui — ngami cu ng’bo düt ne, ami mang she sei om ci gui. Ngami cu ih vai m’hni aih ci gui!

ISAIAH 1:3

Seipat gui naw a u naw aka nak gui cu hmat ci gui, ng’sela gui naw ami mah naw a vuh gui mawng hmat ci gui. Cun gui cu ka chang Israel gui ah ta hmat pi ci gui nei. Ngami cu a i phi kä hmat ling ci gui” cik ci.

HOSEA 4:6

Kei ah ka chang gui cu ng’yiin ci gui. A i ah kyasei ci ung ngami naw kei cu a i ah kü na ngai ci gui. Nami taigü gui naw kei ami na shüm vai ah na ngai ci gui, kei ah m’theithang cu hnungtuk ci gui, acun ah kya sei, kei naw ning hnungtuk gui ne, nami hta gui cu ka taigü gui ah kä ka ngai gui khai.

MAKUH 11:32

Chang ah huham awn cine mi pyein khai ang?” ci ne ngahtüh khit ci gui. (Chang gui naw Johan cu Profet ah k’bäi ne yum ci gui ah kyasei, chang gui cu ngami naw kyih ci gui.)

MAKUH 12:1

Cun kawn ah Bawipa Jesuh naw ngami-am m’tumtäng ne am thein gui cu, “Chang tumat naw sapyit lo cu bi ne, geit ne ng’vong ci. Sapyit m’theih m’seh nak vai ah khui phi shawk ne, tängkyäng phi co ci. Cun kawn ah ani cu a sapyit lo khah gui ne bi sak gui netah, a kho hei yung ah hteit ci.