MAKUH 11:32 - Cho Bible Common Language 2016

³² Chang ah huham awn cine mi pyein khai ang?” ci ne ngahtüh khit ci gui. (Chang gui naw Johan cu Profet ah k’bäi ne yum ci gui ah kyasei, chang gui cu ngami naw kyih ci gui.)

MAKUH 11:32 Referans Kwoze

MAKUH 12:12

Bawipa Jesuh naw ngami a pyein nak gui ah am tumtäng cu Jew chang gui ah ami ng’vai gui naw hmat u netah, Bawipa Jesuh cu phak khai gui ah k’tha nak ci gui. Cun ung phi chang khli cu kyih u netah a hei lam ah hteit ba ci gui.

MATTHE 21:46

Cun ah kyasei ngami naw Bawipa Jesuh cu phaa vai ah k’tha nak ci gui. Cun ung phi ngami naw, “Bawipa Jesuh cu profet nei,’ cine yum ciah chang gui cu kyih gui ci gui.

MATTHE 14:5

Herod naw Johan cu ngawn hlü te ci, cun nung phi Jew chang gui naw Johan cu profet ah k’bäi u khätah, ngah mi cu kyih gui ne kä ngawn ci.

LAMKTU 5:26

Cun kawn ah m’kawt ngäng ciah ang vai naw ak chang gui khah püi gui ne, ang düngpüi gui cu va kgü ba gui ci. Cun ung phi chang gui naw lung awn ami vawih gui vai ah ng’ä u netah ang düihpüi gui cu kä tuthat gui ci gui.

JOHAN 10:41

Chang akda cu Bawipa Jesuh ah gawk law u netah, “Johan naw a i phi cäcat vai käm dang ci, cun ung phi shin ah chang ah mawng Johan ah pyein avan cu küm ci nei” cik ci gui.

LUKA 22:2

Taigü ng’vai gui la thukhän saya gui cu, chang gui kyih u netah, Bawipa Jesuh ngawn nak vai ah lam cu adüm ah shui ci gui.

LUKA 20:19

Thukhän saya gui la taigü ng’vai gui cu, Bawipa Jesuh naw ngami-am ci gui ah amtumtäng cu hmat u netah, Bawipa Jesuh cu pha hlük ci gui. Cun ung phi chang gui cu kyih gui ci gui.

MAKUH 6:20

Johan cu chang k’ni la chang theing ah a kyak ah mawng cu Herod naw hmat netah, ani cu kyih ne akni ah om sak ci. Herod cu Johan ah ng’thu pyein ang yak tu päng ung, am lung kyong cäi ng’ä ne a kyak pang ung phi, yeikyai ne ngai tu hlük ci.

MATTHE 11:9

Kä cun ung profet nami teng khai ang nami hteh? Akcang ah nangmi naw profet ah hlüngtai pi cicu nami hmu pyii ci nei.

MAKUH 11:31

Ngami naw ami mät ng’teng tu u netah, “A i mi cik khai ang, Khanpughi ah huham awn mi ciah a kiak ung, a i ah kyasei Johan kä nami yum ang? cine nang shi ba gui khai.

MAKUH 11:33

Cun ah kyasei ngami naw, “Kä kami hmat ci nei” cine pyein ci gui. Cun ah kyasei Bawipa Jesuh naw, “A cun ah mäih ah kei naw phi, shin ah a mawng ama gui cu a i huham awn ka bi ah, kä ka ning m’thein gui khai” cine kyak na gui ci.