MAKUH 11:27 - Cho Bible Common Language 2016

²⁷ Bawipa Jesuh la ang düihpüi gui cu Jerusalem mang gaw ah gawk law ba u netah, Bawipa Jesuh cu pum im lam ah a hteh yah ung, taigüpa gui, thukhän saya gui la chang ng’vai gui cu Bawipa Jesuh ah pei ah law u netah,

MAKUH 11:27 Referans Kwoze

JOHAN 18:20

Bawipa Jesuh naw, “Kei naw chang gui ah ma ah ang dang ah kam thein gui ci. Jew chang gui ah ng’bum nak ah kyak ciah pum im la taigü im ung vah kei naw kam theithang gui ci, a i yah ung phi ng’yih kuh ne kä ka ng’thu man ci.

JOHAN 10:23

Bawipa Jesuh cu taigü kyong, Solomon ah k’caw ah hteit shüi shüi ci.

MAKUH 14:1

Phyawn nak pawi la k’caw kä shum ne m’htut den nak ah pawi a gawk law nak vai hnüüp goi m’hni ba khätah, taigüpa gui la thukhän saya gui cu Bawipa Jesuh adüm ah pha ne ngawn nak vai ah lam shui ci gui.

MALAKHI 3:1

Hlüngtai ciah Bawipa naw, “Kei ah hmawk ah lam pyang khai ah ka ng’shä cu ka tüi lawk khai. Cun kawn ah nang naw na shui ah Bawipa cu ang ghit ah pum im ung gawk lawk khai. Nang naw na hmuh ah ka ng’shä cu law ne ka thukhän cu ng’shäu khai” cik ci.

MAKUH 11:28

“Nang naw shin ah a mawng ama gui cu a i huham awn ang na bi? Cun ah huham cu a u naw ang a ning peit?” cine ng’shik ci gui.