MAKUH 11:23 - Cho Bible Common Language 2016

²³ Kei naw akcang ka pyein cu, kam lung kyong ah kä ngaih gep nak kä om ciah kang thu cu, akcang ah bä khai, ciah yum ciah chang naw, ‘Shin ah m’htung cu ng’nawn ne tuinu ung lut sä’ ci ne a pyein ung, a pyein ah mäih ah kyak khai nei.

MAKUH 11:23 Referans Kwoze

MATTHE 17:20

Bawipa Jesuh naw, “Cun cu nami yum nak a ken su ah kyak ci nei, kei naw akcang ka pyein cu, nangmi ung, anhta ui teih pang yum nak a om ung, shin ah khomhtung cu ‘Ng’nawn ä,’ nami ci ung ng’nawn khai nei. Zum nak awn kä nami m’khüt cu a i kä om khai nei.

JOHAN 15:7

Nangmi cu kei ung om uk ci sei, kei ah ng’thu cu nangmi ung a om ah a kyak ung, nangmi naw nami ng’yoih hlü phung ng’yoi ne nami gah khai.

MATTHE 21:21

Bawipa Jesuh naw, “Kei naw akcang ka pyein cu, nangmi cu ngaih hnga nak kä om ciah yum nak a om ung baangghing ung kei ah bi ah mäih ah nami bi tu hning khai. Cun bäng ah kä kyak ciah shin ah m’htung cu ‘Shin ungka ng’nawn ne tui ung lut ä,’ nami ci ung nami pyein ah mäih ah kyak khai nei.

SAM 37:4

Yeikyai nak cu Bawipa ung shui vä, Ani naw nami m’lung ah ng’yak hlü cu ning pe gui khai.

JOHAN 14:13

Cun ah däm pi ci phi bi hlawt khai, a i ah kyasei ci ung: kei cu Kapa ah om nak ah hteit netah, nangmi naw kei ah ming awn nami taigü phung cu, ka bik khai nei. Cun cu Khanpughi ah bämang nak A Htapa ung ang dang vai hmawk ah kyak ci.

LUKA 17:6

Bawipa Naw, “Nangmi ung yumnak anhta ui teih pang a om ah a kyak ung, nangmi naw shin ah anli ghing-am,” Na phung ah ng’son ne, tuinu ung ghing ne ng’düi ä” nami ci ung nami pyein ah mäih ah kyak khai nei.

1 KORIN 13:2

Kei cu kümbe ciah thu ka pyein hning ung phi; thuuk ne ng’kau ci hmuhmat nak la langkha nak a om ung phi; khom’htung ng’nawn sak hning ciah yum nak a om ung phi-kei ung m’hni nak kä a om ung, kei cu a kholä ah kyak ci.

MATTHE 14:13

Cun ah a mawng gui cu Bawipa Jesuh naw ng’ya hetah, amät bäng hleiko awn ading gei nak ah hteit ci. A pigaw päng ung chang gui naw, Bawipa Jesuh ah a hteh cu ng’ya u netah, kawnglam ung hteit ne läk ci gui.