MAKUH 11:20 - Cho Bible Common Language 2016

²⁰ A ngawi ung kho ngawi hta ah Bawipa Jesuh la ang düihpüi gui cu lam ami hteh yah ung baangghing cu hmu ba ci gui. Cun ah baangghing cu a phyaa ah khüt khai ah ng’yai ne chawng ci.

MAKUH 11:20 Referans Kwoze

MATTHE 15:13

Bawipa Jesuh naw, “Khankho Kapa ah geit ah kä kyak ciah a ging phung cu mawi ne ghawh vai nei.

JOHAN 15:6

Kei ung kä om cicu k’set ne ghawh ah ang ban chawng ah mäih ah kiak ci. Chang gui naw cun ah ang ban chawng gui cu k’bum ne mei ung m’khih u seih, mei naw ui yawp ci.

MAKUH 11:14

Cun ah kya khätah Bawipa Jesuh naw, “A ngawi ah phi nang ah m’theih a u naw kä ei-en sä” cine k’phyun ne taam shüt ci. Cun ah a pyein cu ang düihpüi gui naw ng’yak ci gui.

MATTHE 13:6

Ng’lih pyo pang ne phi, m’dek ng’pam ci kya ne, kho naw a so law ung kä pya hlawt ne si ba yawp ci.

ISAIAH 40:24

Ngami cu geit thai, pya thai ciah geit awn täng ci gui. Bawipa naw kho akhi law sak ung ngami cu chawng u sei, kou ah mäih ah zon gui ci.

JUDE 1:12

Ngahmi cu kä lü ng’aa neh, ei aw plawihnai u ne, nami mang ei küikyang cu thang m’shet ci gui nei. Ngah mi cu ami mät ah hmawk bäng teng ci gui. Ngami cu khaw ah phi kä aa hlawt ciah, khawkhi naw a yon shüishüi ah khaw ng’mei awn täng ci gui. Kä m’theihpai sei, Khaw cingkhaw ah ang yung ah mawi ne m’shän ung chawng ne sik ciah singghing awn phi täng ci gui.

HEBRU 6:8

Cun ung phi cun ah m’dek cu m’ghaw la ng’hling bäng a thawh sak ah a kyak ung, mang vai ah kä kya ba ci kyasei, Khanpughi naw k’phyun ne mei awn m’khih ne m’di khai.

ISAIAH 5:4

Ani ah hmawk ah kei naw ka bi vai häi ci a i om ne ang? A i ah kya gei kei naw ka ngaih u ah mäih ah sapyit akni ah kä m’theih ne, ak thui ah an theih ang?”

MATTHE 21:18

Kho ngawihta ah mang gawnu ah ami hteh ba lam ah Bawipa Jesuh cu ei cawi lawk ci.

MAKUH 11:12

A ngawi ung Bawipa Jesuh la ang düihpüi gui cu, Bethani ah kaa ami law ba lam ah, ei cawi lawk ci.

JOB 8:17

Cun ah a pyaa gui naw lung gui ghak ne, Lung k’pou gui nü ung kaai ci gui.