MAKUH 11:18 - Cho Bible Common Language 2016

¹⁸ Taigü ng’vai gui la thukhän saya gui naw, acun a ci cu ng’ya u netah, Bawipa Jesuh ngawn nak vai ah lam cu shui ci gui. Chang gui naw cun ah am theithang gui cu cäicat ne ngai khit u netah Bawipa Jesuh cu kyihkyawk ci gui.

MAKUH 11:18 Referans Kwoze

MATTHE 7:28

Cun ah Bawipa Jesuh naw ng’thu a pyein kawn ah, chang gui cu ani ah m’theithang ah hmawk ah cäicat ci gui.

MAKUH 12:12

Bawipa Jesuh naw ngami a pyein nak gui ah am tumtäng cu Jew chang gui ah ami ng’vai gui naw hmat u netah, Bawipa Jesuh cu phak khai gui ah k’tha nak ci gui. Cun ung phi chang khli cu kyih u netah a hei lam ah hteit ba ci gui.

LAMKTU 24:25

Cun ung phi Paul naw, ni kyom nak ah mawng, htingling vuihgiip nak ah mawng, la gawk law khai ah m’khoichaa nak ah mawng gui cu, tän ne pyein khätah, Felix cu kyikyawk law netah, “Tuk bäi na hteit ba hning ci, cän kawn ah a khin a om nak ung ka ning khü law ba khai” cine pyen nak ci.

JOHAN 7:46

Gakap gui naw, “A u chang naw phi shin ah chang ah mäih ah ng’thu kä pyein man ci nei” cik ci gui.

LUKA 20:19

Thukhän saya gui la taigü ng’vai gui cu, Bawipa Jesuh naw ngami-am ci gui ah amtumtäng cu hmat u netah, Bawipa Jesuh cu pha hlük ci gui. Cun ung phi chang gui cu kyih gui ci gui.

LUKA 19:47

Bawipa Jesuh naw ak hnüüp tä Taigüim ah m’theithang gui ci. Cun ung phi taigü ng’vai gui, Thukhän saya gui la, Jew chang ng’vai gui naw Bawipa Jesuh cu, ami ngawn vai ah k’tha nak ci gui.

LUKA 4:22

Chang gui naw ani cu m’tamkhah u ne, ang thu pyein cun phi ngaihtüh u netah, “Ani cu Josef ah hta ah kä kya ne ang?” ci ne kyak ci gui.

MAKUH 11:32

Chang ah huham awn cine mi pyein khai ang?” ci ne ngahtüh khit ci gui. (Chang gui naw Johan cu Profet ah k’bäi ne yum ci gui ah kyasei, chang gui cu ngami naw kyih ci gui.)

MAKUH 6:20

Johan cu chang k’ni la chang theing ah a kyak ah mawng cu Herod naw hmat netah, ani cu kyih ne akni ah om sak ci. Herod cu Johan ah ng’thu pyein ang yak tu päng ung, am lung kyong cäi ng’ä ne a kyak pang ung phi, yeikyai ne ngai tu hlük ci.

MAKUH 3:6

Pharisee gui cu acun vai-am lut law ba u ne, Bawipa Jesuh cu ngawn vai ah k’bäi ci gui.

MAKUH 1:22

Bawipa Jesuh naw thukhän saya gui ah mäih ah kä kyak ciah, m’gäi ciah chang ah mäih ah m’theithang gui ci. Cun ah kyasei chang gui cu ang htei ah cäicat ci gui.

MATTHE 21:15

Taigüpa gui la thukhän saya gui cu cäicat vai kyak ciah Bawipa Jesuh ah bi lawh gui cu hmu u ne, pum im kyong ah ak hmaw gui naw, “David ah Htapa cu m’hlüngtai vä,” cine a ming ng’shäu cu yak u netah, ang htei ah m’lungshe ci gui.

ISAIAH 49:7

Israel ah theingcim ciah Khanpughi la hunbawi naw, chang gui naw ak nui ah ami päipih, chang pakhui gui naw ami thüi gen, uktu gui ah changshäm am a pyen nak cu; “Ghangpughang gui naw ning laut sak u ne, tho ne ami ning chang m’sui nak cu m’dang khai gui; Manghta gui naw phi cun cu hmu u neta, kawp ne ning chang m’sui khai gui.” Shin cu kya lawk khai, a i ah kyasei ci ung Bawipa naw a changshäm cu ghü pyi ci; Israel ah Theingcim ciah khanpughi naw a shaitak cu k’pank khek ci.

1 GHANGPUGHANG GUI 22:18

Ahab naw Jehoshaphat pyen nak ci, “Kei naw ka ning m’thein pyi ci, ani naw kei ah phäh ah a i ah ung phi akni ah kä ng’cängbang man ci. Akshe laih laih ah va pyen ci.”

1 GHANGPUGHANG GUI 22:8

Ahab naw, “Tumat om ba ci nei, Imlah ah hta Mikaiah. Cun ung phi ani cu ka thüi nak ci, kei ah phäh ah a i phi akni ah kä ng’cäbang man ci; akshe ah va ang’täi sei pyen ci” cik ci. Jehoshaphat naw, “Cun ah kä na pyen vai” ciah pyen nak ci.

1 GHANGPUGHANG GUI 21:20

Ahab naw Elijah cu hmu neta, “Ka ga aw, kei na na hmu ne ma?” cik ci. Elijah naw, “Ä, ka ning hmuk ci nei, nang cu Khanpughi täng ah akshe akbe ah bi vai ah nang ap ci nei.

LUKA 2:47

Ani ah hmuhmat nak la ang thu gui ng’yak ciah chang gui cu ang htei ah cäicat ci gui.

JOHAN 7:1

Cun kawn ah Bawipa Jesuh cu Kalile kho ah pawng ne hteit ba ci. Jew chang gui naw ngawn vai ah ami ng’ge cu hmat netah, Judea kho ah kä hteit ba hlük ci.

JOHAN 7:19

Moses naw thukhän ning pe gui ciah kä kya ne ang? Nangmi tumat naw phi thukhän kä nami läk ci. A i ah kyasei kei nami na ngawn khai ah nami pawng püi ang?” cine kyak na gui ci.