MAKUH 11:13 - Cho Bible Common Language 2016

¹³ Cun yah ung a hnah khlum sei ghing ciah baangging cu hmu netah, m’theih hman khai cine, a pei ah hteh shi ci. Am theih khin ah kä kyasei a ghing cu a hnah gui bäng om ci.

MAKUH 11:13 Referans Kwoze

MATTHE 21:19

Lam pei ah baangghing tumat om sei a pei ah hteit ne teng ci. Cun ah baangghing cu käm theih ah a hnah gui bäng om ci. BawipaJesuh naw cun ah baangghing cu tawk ne, “Nang cu a ngawi ah phi kä nam theih khai,” cine taam khätah, acun vai-am cun baangghing cu ng’yai ne chawng ci.

ISAIAH 5:7

Israel cu m’gäi ciah Bawipa ah Sapyit lo ah kyak ci; Ngami naw ani naw akni bik khai ah ngaih u sei, Cun ung phi ngami naw chang ngawn ci gui. Ngami naw hman ci bik khai gui ah ani naw ngaih u ci, Cun ung phi ngami ah dukdeiu nak gui naw ataga vai ng’ya hlü ne m’lau ci gui.

LUKA 10:31

Taigüpa tumat cu cun ah lam ung hteit ne ani cu hmuk ci, Cun ung phi lek ne hteh tak ci.

1 SAMUEL 6:9

Cun kawn ah a hteh cu nami ngäng vai; cun cu Beth Shemesh gawnu täng ah a hteh ah a kyak ung, Israel Khanpughi naw mikmi ah khan ah shin ah kyih vai ah leigai cu tüi lawk ciah kyak khai, kä ah hteh ah a kyak ung, ani naw leigai kä tüi lawk ciah mi hmat khai; amät gawk lawk ciah kyak khai” cik ci.

RUT 2:3

Ruth cu lo ah hteit tu ne, bii bik ci gui ah hnu ah läk tuk ci, ngami naw ami hma shut ah htang vui gui cu shui tuk ci. Cun ah ani ah bi nak tu cu kä ngaih-tüh ah Baoz ah lo ah kya lawk ci.

ISAIAH 5:2

Ani naw m’dek lei cu co ne lung gui cu ghäng ci; ani naw sapyit aknipi gui geit ci. Ani naw cun gui ngäng nak vai ah tänghän co ci, Sapyit theih neen nak vai ah khui phi co ci. Ani naw sapyit a up vai cu ging ci, cun ung phi sapyit theih cu thui yawp ci.

MAKUH 11:12

A ngawi ung Bawipa Jesuh la ang düihpüi gui cu, Bethani ah kaa ami law ba lam ah, ei cawi lawk ci.

MAKUH 11:14

Cun ah kya khätah Bawipa Jesuh naw, “A ngawi ah phi nang ah m’theih a u naw kä ei-en sä” cine k’phyun ne taam shüt ci. Cun ah a pyein cu ang düihpüi gui naw ng’yak ci gui.