MAKUH 11:1 - Cho Bible Common Language 2016

¹ Bawipa Jesuh la ang düihpüi gui cu Jerusalem mang gaw k’et law u ne, Betfeit la Bethani gawnu pei Olive m’htung ah gawk lawk ci gui.

MAKUH 11:1 Referans Kwoze

JOHAN 8:1

(Cun kawn ah chang gui cu ami im phäh phäh ah hteit ba ci gui.

LAMKTU 1:12

Cun kawn ah ang düihpüi gui cu Olive m’htung ung ka naw, Jerusalem ah hteit ba ci gui. Olives m’htung cu Jerusalem ungka naw män m’cawt sho ci.

MAKUH 14:13

Bawipa Jesuh naw ang düihpüi pahnih-am, “Nangni pigaw kyong ah nami hteh vai, a cu ah tui khlüng kawt ne ana lawk ciah chang tumat cu nami hmuk khai, acun ah chang cu a hnu ah nami läk vai.

MAKUH 6:7

Cun kawn ah Bawipa Jesuh cu apigaw ah pei ng’et yung pigaw gui ah hteit ne m’theithang gui ci. Ang düihpüi gha-lei-goi cu khü gui netah, sing goi ciah ng’khap sak gui ne, pigaw gui ah tüi gui ci. Ngami-am khoshe m’khütnäng nak ah huham phi ap gui ci.

MATTHE 26:30

Cun kawn ah ngami cu ng’äi m’cu u ne Olive khomhtung lam ah hteit ci gui.

MATTHE 24:3

Bawipa Jesuh cu Olive khohtung ah amät a ngoh yah ung ang düihpüi gui cu a pei ah law u netah, “Tuhbäi na pyein ah a mawng gui cu a i ah khin ung kya lawk khai ang? Nang Bawipa kyum law ba nak khin la kho ang pyi law nak vai ah khin ung a i gui dang lawk khai ang? nam thein gui ä,” cine ng’shik ci gui.

MATTHE 21:17

Cun kawn ah Bawipa Jesuh cu cun ah gawnu ungka naw, hteit ba ne Bethani ah mü ip ci.

ZEKHARIAH 14:4

Cun ah khin ung ani cu Jerusalem ah hni law lam, Olive M’htung ung ng’düi khai. Cun ung Oliv M’htung cu akhei ungka naw ak kyang hnih ah ng’bou sei hmawi m’ghawng akdäm ah kya lawk khai. Khomhtung a teih cu siip täng ah ng’nawn sei, a teih cu htum täng ah ng’nawn khai.

MAKUH 13:3

Bawipa Jesuh cu Olive khomhtung ah pum im lam ah va mang ne amät a ngoh yah ung,

2 SAMUEL 15:30

David cu Olive M’htung ah hang kai ne, thüi kyap ne, a pha hnak sut ne, thüi m’dang nak ah a lu shung ci. Ani läk ciah chang ami van phi ami lu shung ne thüi kyap ci gui.

MAKUH 11:2

Cun kawn ah Bawipa Jesuh naw ang düihpüi chang sing goi cu, shin ah m’cäi ne lam ma sak goi ci. “Mi hei ma ah om ciah pigaw ung ma ne ana hteit nä, pigaw ah nani luh vai-am a u naw phi kä ang cun nak man ah ng’se hta, gui awn khit ne ami k’pawn cu nani hmuk khai.