MAKUH 10:6 - Cho Bible Common Language 2016

⁶ Cacim ung om ciah mäih ah ak htük ung Khanpughi naw pami la hnumi cu tüisho ci.

MAKUH 10:6 Referans Kwoze

ATÜNNAK 1:27

Cun ah kyasei Khanpughi naw hniciim chang cu amät ah müi ah mäih ah tüisho ci. Ani naw pami la hnumi cu tüisho goi ci.

ATÜNNAK 5:2

Pami la hnumi cu tüisho ne phyisä neta, Hniciim chang ah ang ming a sui ah kyak ci.)

ATÜNNAK 1:1

Akhtük bäih ah Khanpughi naw khankho la khomdek cu tüisho ci.

2 PETER 3:4

“Ani lawk khai ah shaitak ci, kä law ne ma? A hawi ang ani? Kami pupa gui cu si yawp pyi ci gui, cun ung phi a päng avan cu, khomdek ang tüi law sang ungka ah mäih bä ah om ci gui nei,” ci ne ning kyak na gui khai gui.

MAKUH 13:19

Khanpughi naw khomdek a tüi pyan ung tün ne, a i yah ung phi shin ah mäih yaica nak cu, a u naw kä awt man ci, ngawi ah phi a u naw kä bui awt ba khai.

ROMAN 1:20

Khanpughi naw shin ah khomdek khan a tüi pyan ung tün ne ani ah ng’täi ciah kä hmuh hningah hlüngtai nak la Khanpughi ah a kiak nak ah ang yung cu chang gui naw ang dang ah hmuk hmat ci gui. Cun ah ami hmuhmat cu Khanpughi ah tüi pyan gui ami hmuhmat nak awn ah kya ci. Cun ah kyasei chang gui cu ami katnak ah hmawk ah kä küi hlawt ci gui.

SUKI GUI 21:22

Ami pa gui, käcung ami phäinau gui law ne ami ning häu law gui ah a kyak ung, nami pyen vai cu, “Nami bä ni, na khäm sak gui vä, a i ah kyasei ci ung, keimi naw kami chu gui vai ng’tuk nak ung kami lak ka kä kyak ci. Nangmi naw nami na pek gui ah phi kä kyak ci, nangmi nami shaitak nami m’shet ciah kä kyak ci,” cik ci gui.