MAKUH 10:51 - Cho Bible Common Language 2016

⁵¹ Bawipa Jesuh naw, “Nang ah phäh ah a i ka ning bi peit vai ang nang yak hlü” ci ne ng’shik ci. A mik m’dauh ciah chang naw, “Bawipa, ka mik nam dei ba sak ä” cine pyein ci.

MAKUH 10:51 Referans Kwoze

MAKUH 10:36

Bawipa Jesuh naw, “A i ang nani ng’yak hlü” cine ng’shi goi ci.

MATTHE 7:7

‘Ng’yoi vä nami gah khai, shui vä nami hmuk khai, kshoh cu khäk vä ning hmawn pe gui khai.

2 SHONTÄP NAK 1:7

A cu mü ung Khanpughi naw Solomon ah dang law neta ang shi cu, “Kei naw nang am a i ka ning pek vai ang na ng’yak hlü?”

PHILIPPIAN 4:6

A i a mawng ama ung phi kä nami ng’ä ai vai, angtäi sei m’hlüngtai nak ah m’lung awn k’taigü u ne, nami ng’yak hlü gui cu Khanpughi ah nami ng’yoih vai.

MATTHE 6:8

Ngahmi ah mäih ah kä nami bi-en tu vai. Nami Pa naw kä nami ng’yawih pha ung nami ng’yak hlü avan cu hmat pyii ci.

MATTHE 23:7

Sumlei hmun gui ung phi chang gui naw ami chang m’sui vai ng’ya hlük ci gui. ‘Sayapa’ ciah chang naw a khü gui vai m’hni ci gui.

JOHAN 20:16

Bawipa Jesuh naw, “Mari” cine khü khätah, Mari cu vang hlat ne, “Rabboni” cine pyein ci. (Hebrew thu Rabboni cu “Saya” ciah kyak ci.)

MATTHE 23:8

Cun ung phi nangmi nami van cu ng’phäi nau gui ah nami kyak ci kia ne nangmi ung sayapa tumat bäng om ci kyasei, ‘Sayapa’ ciah khü vai kä nami ng’yak hlü vai.

MAKUH 10:50

Cun ah chang cu a yih ng’vai lim ne phluh shüt netah, yong ne ng’düi law ne, Bawipa Jesuh ah pei ah lawk ci.

LAMKTU 23:19

Shekshen bawi naw cun ah chang hmaw cu a kut ung k’pang ne a hei ah hteh püi netah, “Kei ah ma ah a i ang na pyein vai a om” ci ne ng’shik ci.