MAKUH 10:49 - Cho Bible Common Language 2016

⁴⁹ Bawipa Jesuh cu ng’düi netah, “Cän ah chang, khü ne law püi vä” cine pyen na gui ci. Chang gui naw a mik m’dauh-am, “Kä ng’ä ne, ng’düi law ä, Bawipa naw ning khü ci nei” ci ne kiak nak ci gui.

MAKUH 10:49 Referans Kwoze

LUKA 18:40

Cun ah kyasei Bawipa Jesuh cu ng’düi netah, cun ah chang cu ami law püi vai ah pyein ci. Cun ah chang cu a pei ah gawk law khätah;

JOHAN 11:28

Cun kawn ah Mahta cu im ah hteit ba ne a nau Mari cu va khü ba netah, “Bawipa Lawk ci, nang ah mawng phi na ng’shik ci,” cik ci.

HEBRU 2:17

Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

SAM 145:8

Bawipa cu m’hni nak la chimgein nak ah kyak ci, kä m’lungshe yäi ci, ng’täi ciah m’hni nak awn be ci.

SAM 86:15

Cun ung phi, O Bawipa, nang cu chimgein ci la m’hni ciah Khanpughi ah na kyak ci, angtäi sei, na hnimgei ci, na k’dük ci, na bekhüt ci nei.

HEBRU 4:15

Mikmi ah Taigü Tung cu mikmi ah shetkat nak kä nam gein gui hlawt ciah kä kyak ci. Mikmi ah Taigü Tung cu, mikmi ah mäih ah tüihtok nak aut ci, cun ung phi cheishoh nak ung kä gawk ci.

MATTHE 9:2

Cun yah ung chang gui naw akshum tumat kawt ne law püi ci gui. Bawipa Jesuh naw cun ah chang gui ah yum nak cu hmu netah, shum ciah chang-am, “Kahta, kä na ng’ä vai, na katnak cu ning k’phiawn pyii nei,” cik ci.

MAKUH 10:50

Cun ah chang cu a yih ng’vai lim ne phluh shüt netah, yong ne ng’düi law ne, Bawipa Jesuh ah pei ah lawk ci.