MAKUH 10:48 - Cho Bible Common Language 2016

⁴⁸ Chang gui naw, kä m’lau ne a düm ah a om vai ah ng’li ne yüi ci gui. Cun ung phi ani cu, “David ah Htapa, kei cu nam gein ä” ci ne m’lau law pi k’täi ci.

MAKUH 10:48 Referans Kwoze

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

LUKA 18:39

Ama ah om ciah chang gui naw, adüm ah a om vai ah ng’lii ne pyein ci gui. Cun ung phi ani cu, “David ah Htapa, Jesuh Bawipa, kei cu nam gein ä” cine m’lau gäk gäk ci.

MAKUH 5:35

Cun yah ung Zairus ah im ah kaa chang gui cu law u netah, “Na hta hnumi si pyi ci nei, Bawipa kä khü ling ä” cine kyak nak ci gui.

MATTHE 20:31

Chang gui naw adüm ah ani om vai ah k’she na goi ci gui. Cun ung phi ngami naw, “Bawipa, David ah htapa, keini cu nam gein goi ä,” cine m’lau law pi ci goi.

MATTHE 19:13

Chang gui amshah naw ak hmaw hta gui cu Bawipa Jesuh naw ami khan ah a kut taih ne, hrilham apeit gui vai ah, a pei ah law püi ci gui. Cun ung phi ang düihpüi gui naw, ma na gui ci gui.

JEREMIAH 29:13

Nangmi naw nami na shui khai, nami na hmuk khai, a i ah kyasei ci ung nangmi naw nami m’lung kyong avan awn nami na hmuk khai.

SAM 62:12

Ani ah m’hni nak cu ng’täi ci ciah kyak ci. O Bawipa, nang naw chang avan cu amät ah om ih ciah na m’cümhnah ci.

EPHESIAN 6:18

Khanpughi ah m’hteihtang nak gah vai ah ng’yoi thäh ne, taigü nak awn shin gui cu nami bi vai nei. Mumcha ah lam shüm ah mäih ah a mawng ama avan ung nami taigü vai nei. Cun ah kyasei nami cimgang cüivai vai, kä nami pyai phung vai, Khanpughi ah chang gui ah hmawk ah angtäi sei nami taigü vai nei.

MATTHE 9:27

Bawipa Jesuh cu cun ungka hteit ba khätah, amik m’dauh ciah chang pakhnih naw läk law ni netah, “David ah Htapa nam htei goi ä,” cine m’lau ci goi.

MAKUH 10:13

Chang amshah gui naw ak hmaw hta gui cu, Bawipa Jesuh naw ami khan ah a kut taih ne m’shumphyuk nak a peit gui vai ah law püi ci gui. Cun ung phi ang düihpüi gui naw ma na gui ci gui.