MAKUH 10:47 - Cho Bible Common Language 2016

⁴⁷ Ani naw Nazaret ah kaa Bawipa Jesuh a gawk law cu ng’ya tu netah, “Jesuh Bawi, David ah Htapa, kei cu nam gein ä,” ci ne m’lau ci.

MAKUH 10:47 Referans Kwoze

MAKUH 1:24

Cun ah chang naw, “Nazaret chang Jesuh Bawipa, nang naw keimi a i ah na na ci gui hlük ci ang? Keimi na nam di gui khai ah na lawk ci ang? Nang a u ah na kyak cu ka ning hmat ci nei, nang cu Khanpughi ah Theingcim ciah shä tüih ah na kyak ci nei” cine m’lau ci.

THU PHLAAN 22:16

“Kei Jesuh naw nangmi Khrithabum gui-am shin ah a mawng gui cu shäu ne ning m’thein gui khai ah ka khankho chang cu ka tüi lawk ci nei. Kei cu David ah hta ng’shon ah ka kyak ci, ng’shü ne khang ciah thaihke aisi ah phi ka kyak ci.”

MATTHE 9:27

Bawipa Jesuh cu cun ungka hteit ba khätah, amik m’dauh ciah chang pakhnih naw läk law ni netah, “David ah Htapa nam htei goi ä,” cine m’lau ci goi.

JOHAN 7:52

Cun ah chang gui naw, “Nangmi Kalile kho ah kaa ma? Cacim cu teng ba shüm ä, Kalile kho ung a u profet phi kä om man ci, cun cu na hmat khai nei” cine kyak nak ci gui.

MATTHE 26:71

Ahei ami changshäm hnumi hta naw mä hmu netah, cun ung om ciah chang gui ah ma ah shin ah chang cu Nazaret chang Jesuh ah paw nei,” cik ci.

MATTHE 15:22

A cu ah om ciah Kanan Hnuminu tumat cu law netah, “David ah Htapa, kei cu nam gein ä, kei ah hta hnumi cu khoshe naw kai sei, geinvai ne ng’yän ci nei,” cine ng’pa ne yoi ci.

LAMKTU 6:14

Nazaret chang Jesuh naw k’taigüim cu gäi netah, Moses ah peit ah thungyo phi m’shet ciah thu pyein sei kami ng’yak ci nei” ci ne pyän ci gui.

JOHAN 19:19

Pilat naw ca gu ne Bawipa Jesuh ah kutlamtung ung tai sak gui ci. Cun ah ca cu, “Jew chang gui ah ghangpughang Nazaret Jesuh” ciah kyak ci.

JOHAN 7:41

Chang amshah naw, “Messiah cu Kalile kho ungka law hning khai ma?

JOHAN 1:46

Nahtanelah naw, “Nazaret ungka akni ng’tüisho hning khai ma?” ci khätah, Philip naw, “Law ne teng lawä” cik ci.

LUKA 4:16

Cun kawn ah Bawipa Jesuh cu a däm ng’vai law nak Nazaret gawnu ah hteit ba ci. Ani cu kyin hnüüp ung a hteh man ah, pum im ah hteit ne, cacim cu phat khai ah ng’düi law khätah;

MATTHE 21:11

Chang khli gui naw, “Shin ah chang cu Kalile kho, Nazaret gawnu ah kaa profet Jesuh nei” cine ng’shäu ci gui.

MATTHE 21:9

Bawipa Jesuh ah a hnu ama ung ana dou law ne läk lawk ciah chang gui cu, “David ah Htapa cu m’hlüngtai vä! Bawipa ang ming awn kyum lawk cicu Khanpughi naw yeikyai nak pe sä! Khanpughi cu m’hlüngtai vä,” cine m’lau ci gui.

MATTHE 20:30

Bawipa Jesuh a law cu lam pei ah ngok ciah a mik m’dauh goi naw ng’ya ni netah “Bawipa, David ah htapa, Keini nam gein goi ä,” cine m’lau ci goi.

MATTHE 12:23

Chang gui cu ang htei ah cäicat u netah, “Shin ah chang cu David ah htapa ah kyak khai ang? cine kyak ci gui.

MATTHE 2:23

Nazaret gawnu ah om tuk ci. Cun cu profet gui ah ng’thu pyein ung, “Ani cu Nazaret chang ah kyak khai nei” ciah om ci cu aküm nak ah kyak ci.

MATTHE 1:1

Shin cu Abraham ah hta ng’shon, David ah pakhui, Jesuh Krit ah ng’shon law ang tän ah kyak ci.

ISAIAH 11:1

David ah uknak cu chuk pit ah sing ghing ah mäih ah kyak ci; cun ung phi sing hmui lim ne akthai ah a toi law ba ah mäih ah, David ah hta ng’shon ung ka, ghangpughang akthai tho law bakhai.