MAKUH 10:45 - Cho Bible Common Language 2016

⁴⁵ Chang ah Htapacun phi chang tüitäk khai ah lawk ciah kä kiak ci, chang ah tüihtäk vai la amät ah hnun gui pe ne chang khli hun m’htei khai ah kyum lawk ciah kyak ci” ci ne m’thein gui ci.

MAKUH 10:45 Referans Kwoze

MATTHE 20:28

Chang ah Htapa cu chang ah m’htei vai ah lawk ciah kä kyak ci, chang m’htei khai la, a hnun gui pe ne chang avan hun phiawn khai ah lawk ciah kyak ci, nangmi cu acun ah mäih ah nami kyak vai,” cine m’cäi gui ci.

2 KORIN 8:9

Nangmi naw mi Bawipa Jesuh Khrih ah m’gein nak cu nami hmat ci; Ani cu bühmang ciah Bawipa ah a kyak ung phi, nangmi ah hmawk ah pyam ci. A pyaamthaam nak awn ning bühmang sak gui ci.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

JOHAN 13:14

Kei cu nami Bawipa la nami saya ah ka kyak ci, cun ung phi nami kho kam si pyi ci. Cun ah kyasei nami mät gui nami kho nami ng’si tu peit vai.

HEBRU 5:8

Ani cu Khanpughi ah Htapa ah a kyak tupang ung phi, Khanpughi ah thu a läk thei vai ah yaica ne theithang ci.

1 PETER 1:19

Htome hta ah mäih ah shetkat nak kä om ciah Bawi Khrit ah hnun gui ap nak ng’pün nak ah kyak ci.

2 KORIN 5:21

Bawi Khrih cu katnak kä om ci, cun ung phi mikmi cu ani awn kawng ät ne, Khanpughi ah mäih ah mi ng’düng vai ah, Khanpughi naw Bawi Khrih cu mikmi ah hmawk ah, mi katnak a aut sak ah kyak ci.

DANIEL 9:26

Cun ah khin ang pyi law hlü ung, Khanpughi naw a ghü ah ang vaihta cu kä taga ciah ngawn khai gui. Mang gaw la Taigüim cu huham mah ciah uktu ah m’gäi ciah gakap naw m’di khai. Ang pyi nak vai cu tuii hlaw ah mäih ah lawk khai. Khanpughi naw a pawng püi ah ng’tuk nak la dishum nak cu law püi khai.

KALATIAN 3:13

Cacim ung, “Singlam khan ah tai ne ami ngawn naw Khanpughi ah m’kyuk nak gah pyi ci nei,” ciah a om ah mäih-ah Bawi Khrit cu mikmi ah hmawk ah m’kyuk nak gah netah, thukhän awn m’kyuk nak mi gah nak vai sü ung na phiawn gui ci.

DANIEL 9:24

“Kum chihkip chih vei lüng ci, cicu Khanpughi naw a chang gui la theingcim ciah na mawng gaw cu hmakat nak la shetkat nak ung am hlawt nak gui ah a khin ah kyak ci. Hmakat nak cu m’geinsei ne, angtäi ah taga nak cu m’düih khai nei. Cun ah kyasei muimang la cängbang nak gui cu bä khai, theingcim ciah Taigüim cu ap ba mä vai.

MAKUH 10:44

Nangmi ungka hlüngtai pi hlük ciah chang cu nami van ah chang shäm ah a kyak vai nei.