MAKUH 10:43 - Cho Bible Common Language 2016

⁴³ Nangmi läi ung cun ah mäih kä om-en sä. Nangmi ung kaa ng’vai pi hlük ciah chang cu nami van ah ngaih u vai ah a kiak vai nei.

MAKUH 10:43 Referans Kwoze

LUKA 14:11

Amät naw amät m’hlüngtai ci cu, neim sak nak gah khai, amät naw amät neim sak ci cu, m’hlüngtai nak gah khai” cine m’cäi gui ci.

MAKUH 9:35

Bawipa Jesuh cu ngoh netah, ang düihpüi gha-lei-goi cu khü gui ne, “Ak hlüng pi ung gawk hlük ciah chang cu, ang neim pi ung om khai, chang avan naw atäk phan pi ah phi kyak khai” cine kyak na gui ci.

LUKA 9:48

Cun kawn ah Bawipa Jesuh naw, “Kei ah ming awn shin ah ak hmaw dou ci cu, kei na dou ciah kyak ci, kei na dou ciah chang cu, kei na tüi lawk ci dou ciah kyak ci, Nangmi ungka ak yaw pi k’bäih cu ak bä pi k’bäih ah kyak ci” cik ci.

ROMAN 12:2

Khomdek khan ung yodäm nak ung kä nami ng’kü ng’neet tu vai, Khanpughi ung nami m’lung kyong avan ng’thawng sak u ne, m’lung ngaih ak thai awn nami om vai. Cun ung vah ni kyom nak, amät ung yeikyai nak la kümbe nak gui ah Khanpughi ah ang yak hlü cu nami hmat khai.

KALATIAN 5:13

Ka phäi nau gui aw, nami ng’päiyee khai ah Khanpughi naw ning khü gui pyi ci nei. Cun ung phi cun ah ng’päiyee nak awn pumsa ah ng’yak hlü kä nami läk-en vai nei. M’hni nak awn tumat la tumat nami ng’chaan tu vai nei.

JOHAN 18:36

Bawipa Jesuh naw, “Kei ah uknak kho cu shin ah m’dek khan awn kä shigaa ci; kei ah uknak kho cu shin ah m’dek khan awn ashigaa vai sü ung, Jew chang gui ah kut ung kä ka gawk khai ah ka ng’khah püi gui naw ng’tuk bik khai gui süte. Kei ah uknak kho cu shin ah m’dek khan awn kä shigaa ci nei” cine pyein ci.

LUKA 18:14

Kei naw ka ning m’thein gui cu, cun ah akhawnlook cu akat nak k’phiawn sei a im ah hteit ba ci, pharisee läi cu akat nak kä k’phiawn ci. A i ah kyasei ci ung, amät naw amät m’hlüngtai ci cu neim saknak gah khai, amät naw amät neim sak ci cu m’hlüngtai nak gah khai” cine m’cäi gui ci.

MAKUH 10:42

Cun ah kyasei Bawipa Jesuh naw ang düihpüi avan cu khü gui netah, “Chang uk ciah chang gui naw chang ah khan ah ami hlüngtai nak m’dang u ne, ng’vai pi ciah chang gui naw ami m’gäi nak awn bik ci gui.

MAKUH 10:44

Nangmi ungka hlüngtai pi hlük ciah chang cu nami van ah chang shäm ah a kyak vai nei.

LUKA 22:26

Cun ung phi nangmi naw cun ah kä nami ngaih vai. Nangmi ung hlüngtai pi ci cu, ak hmaw pi ah mäih ah om sei, ng’vai pi ci cu changshäm ah mäih ah a om vai.