MAKUH 10:40 - Cho Bible Common Language 2016

⁴⁰ Cun ung phi kei naw k’eng la k’pat ah ngoh nak vai kä ka ning pe goi hning khai. Cun cu Khanpughi naw a pyan tham peit gui ah chang ah hmawk ah vah kyak ci” cine pyen na gui ci.

MAKUH 10:40 Referans Kwoze

MATTHE 25:34

Cun kawn ah ghangpughang naw akpat lam ah om ciah chang gui-am, ‘Law vä, Kapa ah phyutheh nak nami gah ciah chang gui, khomdek a tüi pyan ung tün ne nangmi ah hmawk ah a pyan ah uknak kho ung om vä.

MATTHE 20:23

Bawipa Jesuh naw, “Nangni cu kei ah khap ung akcang ah nani awk khai, cun ung phi kei ah k’eng la k’pat ah nani ngoh vai cu, kei naw kä ka ning pe goi hning ci, cun ah ngoh nak gui vai cu Kapa naw a pyan gui ah chang gui ah hmawk ah kyak ci,” cine kyak nagoi ci.

HEBRU 11:16

Cun ung phi ngami cu cun ak kho ah tah bä pi ciah khankho ghui kho cu ngaih u ci gui ah kyak ci. Cun ah kyasei Khanpughi cu ami Khanpughi ah ami khü ah hmawk ah Khanpughi cu kä lü ng’aa ci, a i ah kyasei ci ung Ani naw ngami ah hmawk ah mang gaw cu a sak pyii ah kyak ci nei.

JOHAN 17:24

O Kapa! Khomdek kä ah ng’tüi pha ung nang naw na na peit ah bämang nak cu, kei-am nang naw na na ap ah chang gui naw, ami hmuh tu vai ah ngami cu kei awn na om sak gui ä.

JOHAN 17:2

Na Htapa ah kut ung na ap ah chang gui-am angtäi ghin nak a peit gui hning vai ah, nang naw Na Htapa-am chang nüng m’khüt nak ah hlüngtai nak cu na pe pyi ci nei.

MATTHE 13:11

Bawipa Jesuh naw, “Nangmi naw Khanpughi ah kho ah mawng thuuk ne ng’kau cicu hmuhmat nak thei vai nami gah ci. Chang hei gui cu cun kä gah tuk ci gui.

LAMKTU 1:7

Bawipa Jesuh naw, “Akhin cu Pa Khanpughi ah m’khüt näng nak bäng ah kyak seih nang mi naw na mi hmat vai ah kä kyak ci.