MAKUH 10:38 - Cho Bible Common Language 2016

³⁸ Bawipa Jesuh naw, “Nangni naw a i nani ng’yoih cu kä nani hmat ci, kei ah awk vai ah yaica nak ah khap cu nani aw tu hlawt khai ang? Kei ah tui hnim ah mäih ah nani ng’hnim tu hlawt khai ang?” ci ne ng’shi goi ci.

MAKUH 10:38 Referans Kwoze

LUKA 12:50

Kei naw tuihnim nak ka lak vai om ci, cun ah bi cu kä ka pyi pha ah chuih kei ah m’lung cu yaica ci.

JOHAN 18:11

Bawipa Jesuh naw, “Na chim cu bun ba ä, Kapa naw ana peit ah yaica nak ah khap cu kei naw kä ka awk khai ah na ngai ne ma? ci ne Peter cu m’cäi ci.

ISAIAH 51:22

Bawipa nami khanpughi naw ning shungshet gui neta a pyen cu, “Kei naw ka m’lungshe nak ah khap ka ning pek gui cu ka la ba ci nei, Nangmi ning k’phiui gui ciah zu nami awk vai kä om ba ci nei.

SAM 75:8

Bawipa naw khap cu a kut ung kawt ne, sü ciah am lung she nak awn be sak ci. Ani naw kei sei changshe gui ami van naw awk ci gui; m’sing ne aw yawp ci gui.

JAMES 4:3

Nami ng’yoih ung phi kä nami gah ah mawng cu, akshe ah nami ng’bü nak la nami mät ah hlimtui nak vai düt ah nami mang nak hlü ah hmawk ah kyak ci.

ROMAN 8:26

Acun sang ung Mumcha naw ak tha ken ciah mikmi cu nam htei gui khai ah gawk lawk ci. Mikmi naw a i chaa taigü vai kä mi hmat ci; m’gawng shai awn kä pyein thei vai ah ak aw awn, Mumcha amät naw, mikmi ah hmawk ah Khanpughi ah na ng’yoih pe gui ci.

LUKA 22:42

Aw Kapa, nang yak hlü a om ung shin ah yaica nak ah khap cu kei ung nang shawng sak ä, cun ung phi kei ah ng’yak hlü ah kä kya ne, na mät ah ng’yak hlü ah kya sä” cine taigü ci.

MAKUH 14:36

“Kapa Khanpughi, nang cu angtäi avan nam khüt hning ci kiasei, shin ah yaica nak ah khap cu na phiawn ah sak ä. Cun ung phi kei ah ng’yak hlü ah kä kia-en ne, na mät ah ng’yak hlü ah kya sä” ci ne ani naw a bui awt law vai ah yaica nak cu, bä khai a kyak ung a phiawn nak hning vai ah taigü ci.

MATTHE 26:39

Cun kawn ah ama lam ah api vang nawn ne, khomdek ung ng’bawk netah, “Oh, Kapa bäpi khai a kyak ung shin ah yaica nak ah khap cu na hen pe ba ä, cun ung phi kei ah ng’yak hlü ah kä kyak ci, na mät ah ng’yak hlü ah kya sä,” cine taigü ci.

JEREMIAH 45:5

Nami mät naw nami mät aktung ah bi nak cu nami shui ne ma? Kä nami ci vai. Kei naw hnicim chang avan ah khan ah leigai ka law püi ci, cun ung phi nangmi nami ghin nak läi cu a hawi nami hteh ung phi phyawng khai. Kei, Bawipa naw ka pyen ci.

1 GHANGPUGHANG GUI 2:22

Ghangpughang naw, “A i ah kyasei Abishag cu ani am ka pek vai ah kei na nak thäh ang? Kei naw mangkiang mä ani am ka pek vai ah na nak thäh khai ang! Cun kawn ah ani cu ka phäi ng’vai ah kyak ci, taigü Abiatha la Joab cu ani täng ah kyak ci goi!”

JEREMIAH 25:15

Bawipa, Israel khanpughi naw na pyen nak ci, shin ung sapyit tuikhap, kei ah m’lungshe nak awn be ci. La ne, kei naw ka ning tüih law ah changpakhui avan am awk sak gui ä.

MATTHE 3:6

Ngami cu ami shekat nak ng’nü ng’yu ba u ne, ng’paa na u sei, Johan naw Jordan tuinu ung tuihnim gui ci.