MAKUH 10:27 - Cho Bible Common Language 2016

²⁷ Bawipa Jesuh naw ngami cu kheing ne teng gui netah, “Cun cu chang naw kä am khüt hlawt ung phi Khanpughi naw m’khüt hlawt ci. Ang tüi avan cu Khanpughi naw m’khüt hning ci nei” ci ne m’thein gui ci.

MAKUH 10:27 Referans Kwoze

MATTHE 19:26

Bawipa Jesuh naw ngami cu kheing ne teng gui netah, “Chang naw a i phi käm khüt näng ci, cun ung phi Khanpughi naw a päng avan m’khüt näng ci,” cine m’thein gui ci.

JEREMIAH 32:27

“Kei cu Bawipa, hnicim chang avan ah khanpughi nei. Kei ah phäh ah khak aih ci a i kä om ci.

JOB 42:2

Bawipa, ka hmat ci nei, nang cu avan ung na huhamah pikbäih ci. Na ng’yak hlü avan na bi hning ci.

JEREMIAH 32:17

“Uk ciah Bawipa, nang naw khomdek la khankhomik cu dämduh ciah na huham la na m’gäi nak awn na tüipiang ci; nang ah phäh ah a i phi kä khak ci.

LUKA 1:37

Khanpughi ah kä m’khüt a i kä om ci nei” cine pyein ci.

LUKA 18:27

Bawipa Jesuh naw, “Chang naw kä am khüt cu Khanpughi naw m’khüt ci nei” cine pyen na gui ci.

HEBRU 11:19

Abraham naw, Issak cu sik nak ungka Khanpughi naw akcang ah thawh ba sak hning ci, cicu akcang ah yum ci. Akcang ah pyein ung Issak cu sih nak ungka Abraham naw a gah ba ah pyein vai ah kya ci.

PHILIPPIAN 3:21

Bawipa naw amät ah uknak kaa ah, ang tüi avan a gawk nak sak ah, a hlüngtai nak awn shetka thei ciah pumsa cu bämang ciah amät ah pumsa ah mäih ah na ng’thawng sak gui khai nei.

ZEKHARIAH 8:6

“Shin cu tuhbäi om shüt ciah changpakhui gui ah hmawk ah kä hmat hning vai ah a kyak ung phi, kei ah hmawk ah hmat vai ah kyak ci nei.

2 GHANGPUGHANG GUI 7:2

Ghangpughang m’täh ciah chang naw Elisha am, “Bawipa amät naw ang ghit ah ei kho a yuk aa sak ung phi, cun ah kä kya hning khai nei!” ci nak ci. Elisha naw, “A cun ah a kyak cu nang naw na hmuk khai, cun ung phi api phi nang naw kä na ei tuk khai” ci nak ci.

HEBRU 7:25

Cun ah kyasei ani ah ang ming ung Khanpughi ah lawk ciah chang gui phung angtäi sei hun gui ci. A i ah kyasei ci ung Bawipa cu cun ah chang gui ah hmawk ah Khanpughi ah ng’coi ng’pak khai ah, angtäi ah a ghin ah hmawk ah kyak ci.

2 GHANGPUGHANG GUI 3:18

Elisha naw k’täi ne, “Bawipa naw shin ah a bi vai cu yäi ci nei; ani naw Moabit gui ah khan ah näng nak phi ning pe gui khai nei.

MAKUH 10:26

Cun ci khätah ang düihpüi gui naw, cäicat ne ngai khit u netah, “Cun ah a kyak ung a u naw hun phiawn nak gah hlawt khai ang?” ci ne ami mät gui ng’ceng’cäk ci gui.