MAKUH 10:24 - Cho Bible Common Language 2016

²⁴ Ang düihpüi gui cu Bawipa Jesuh ah ng’thu ng’ya u netah, ngai khit ci gui. Cun kawn ah Bawipa Jesuh naw, “Ka hta gui aw, Khanpughi ah kho ah gawk vai cu khak aih ci nei!

MAKUH 10:24 Referans Kwoze

NG'THU K'THUUK~ 11:28

Amät ah khawh ngaih u ciah chang cu, sing hnah chawng ah mäih ah kyak khai. Cun ung phi düng ciah chang cu khoicha khaw ah sing lim ah mäih ah bühmang khai.

THU PHLAAN 3:17

‘Kei cu ka ng’bühmang ci, kei ung a i phi kä hlü ci’ na cik ci, cun ung phi nang cu a i hlawk ah dukhaih ne m’gein vai ah na kiak cu kä na hmat ci. Nang cu dukhaih ne a i kä suisa ne, a i kä hmuteng ne na om ciah chang nei.

1 TIMOTHI 6:17

Khomdek khan ah bühmang ci gui cu kä ami khähghah längtang aih vai ah nam cäi gui vai nei. Ngami cu kä khäng lä khai ah khawhcham kä ngaih u ne, mi gah taang vai ah, ang nüng nüng cu, ang khaai nak awn nam shumphyuk gui ciah Khanpughi cu ami ngaih u vai nei.

SAM 52:7

“Teng vä, Shin ah chang cu phyawn vai ah Khanpughi ng’kä yii hnei ci nei, amät ah khawh düt ngaih u ne, akshe lam awn a phyawn nak vai shui ci nei.”

LUKA 16:14

Ngui ng’ya hlük ciah pharisee gui cu, cun ah ng’thu cu ng’ya u netah, Bawipa Jesuh cu m’lep nak ci gui.

NG'THU K'THUUK~ 18:11

Buhmang ciah chang gui naw, hlüng ne khang ciah k’pang naw mang gaw akoi ah maih ah ami khawh nawa shungvong gui ciah yum ci gui.

SAM 62:10

Chang ngawn pha vai kä na k’tha nak vai; Ng’gut tep ne näng vai kä na ngaih-tüh vai; Na ng’bühmang law pi ung phi acun ah khan ah kä na ng’düih vai.

1 JOHAN 2:1

Ka hta nau gui awi, nangmi kä nami cheishoh vai ah shin ah ca ka ning guk law gui ci nei. Cun ung phi chang tumat mat cu a cheishoh law ah a kyak ung mikmi ah hmawk ah nang paa pe gui khai, düng ciah Bawi tumat om ci nei, cun cu Bawi Jesuh Khrit ah kyak ci.

JOHAN 13:33

Ka hta gui aw, kei cu nangmi awn a täng ah ashäng hta vah ka om ba khai. Nangmi naw nami na shui khai, kei ka hteh nak ah nangmi kä nami hteit tu hlawt khai; cine, Jew chang ng’vai gui ka pyein nak gui ah mäih ah tuhbäi nangmi ka ning pyein na gui ci.

ZEPHANIAH 1:18

Cun ah Bawipa ah m’lungshe nak hnüüp ung chang gui ah ghui ngui gui phi kä phyawng khai, khomdek avan cu Bawipa ah m’lungshe nak ah mei naw ui yawp khai. Ani naw khaw khüt sak khai — ang ghit ah khüt sak khai, khomdek khan ah om ciah chang nü ah khaw cu khüt sak khai.

HABAKKUK 2:9

Nangmi nami ng’yiin ci! kyawi m’sa u ne nami kyong khui nami bühmang sak ci. Nami mät ah kyong bäng ng’ä ai nak la kyihkyawk nak ung a phyawn vai ah nami tha nak ci.

JEREMIAH 9:23

Bawipa naw pyen ci, “Cüivai ci gui naw ami cüivai nak awn kä ami khäh ghah vai, Gai gawng ci gui naw ami thagui awn kä ami khäh ghah vai, büh mang ci gui naw ami khawh awn kä ami khäh gha vai.

NG'THU K'THUUK~ 23:5

Na ngui cu kho lailäp ung maih hning ci. Cun cu ang phia om law ne langta ah mäih ah ahei ah yong khai.

SAM 17:14

Ami ghin yah ung ami ng’yak hlü düt ah kyak ciah chang gui ung ka na hun ä. Ngami ah hmawk ah na gim pek gui ah yaica nak awn m’kyuk gui ä; cun gui cu ami hta gui ah hmawk ah ng’büh khai nei, Ami hta ah hta gui-am phi nawng pe shüt khai gui nei.

1 JOHAN 5:21

Ka hta gui aw, Khanpughi kä akcang cu nami phiawn nak vai a nami om vai nei!

1 JOHAN 4:4

Cun ung phi ka hta nau gui aw, nangmi cu Khanpughi ung nami khäng ci kya ne, thuvi ciah profet gui cu nami näng ci nei, a i ah kyasei ci ung nangmi ung om ciah Mumcha cu khomdek chang gui ung om ciah mümcha ah mä hlüngtai ba pi ci.

KALATIAN 4:19

Kam hni ah ka hta nau gui aw! Bawi Khrit ah m’lung ngaih nangmi ung kä a om pha ah chuih, kei cu hta lawk khai ah nu ah mäih ah ka yaica ci nei.

JOHAN 21:5

Bawipa Jesuh naw, “Ak hmaw gui awi, nga nami phak ci ang?” cine ng’shi gui ci. Ngami naw, “Kä kami phak ci nei” cik ci gui.

JOHAN 6:60

A hnu ah läk ci gui ah chang akda naw, shin ah ng’thu gui cu ng’ya u netah, “Shin ah am theithang gui cu ghaat aih ci, a u naw läk m’khüt khai ang?” cik ci gui.

MATTHE 19:25

Ang düihpüi gui naw Bawipa Jesuh ah thu ami ng’yak cu ang htei ah ngaih-tüh khit u netah, “Cun ah a kyak ung a u chang naw hunnak cu gah hlawt khai ang?” cine ng’shik ci gui.

MAKUH 1:27

Chang gui cu ang htei ah cäicat u netah, “shin ah a mawng cu a i hawkcha ah ang? m’theithang nak ak thai a hei ang? Ani naw khoshe gui cu k’täm gui sei, ngami naw ang thu cu ngai ci gui nei” cine ami mät ng’cecäk ci gui.

MAKUH 10:23

Bawipa Jesuh naw ang düihpüi gui cu teng gui netah, “Bühmang ciah chang gui Khanpughi ah kho ah ami gawk vai cu khak aih ci nei” cine pyen na gui ci.