MAKUH 10:22 - Cho Bible Common Language 2016

²² Cun ah chang cu ang htei ah bühmang ciah chang ah kya ne, Bawipa Jesuh ah ng’thu cu ng’ya netah, a hmai m’kyum ne thüi ne hteit ba ci.

MAKUH 10:22 Referans Kwoze

LUKA 12:15

Cun kawn ah chang gui avan-am, “Ng’yak hlü nak a hlü hlü cu nami ngaih nak vai, chang ah ghin nak cu ngui ghui khawh cham ung kä om ci nei” cine pyen na gui ci.

2 TIMOTHI 4:10

Demas cu m’dek khan am hni nak awn, kei na nawng ne, Thessalonika ah hteit ci nei. Creseens cu Kalatia ah, Titus cu Dalmatia ah hteit ci gui nei.

EPHESIAN 5:5

Pletbeng ci gui, shekhak ci gui, ng’yak hlü aih nak om ciah chang gui phung cu, Khanpughi la Bawi Khrit ah uknak kho ung chang ah kä kya tuk khai gui cicu akcang ah nami hmat ci nei. (Ng’yak hlü aih nak cu a gup khawihnah nak ah kyak ci nei.)

EZEKIEL 33:31

Cun ah kyasei ka chang gui ng’bum u ne, nang naw a i na pyen cu ngai ci gui nei, cun ung phi nang naw ami bi vai na pyen cu kä bik ci gui nei. Ami m’gawng ung m’hni nak ah ng’thu ami pyen ung phi ami ng’yak hlü nak cu bi lä ci gui.

2 KORIN 7:10

Khanpughi ah mang ah thüisei nak naw m’lung kyong ng’thawng sak ne, hun nak ah gawk sak ci Cun ah phäh ah thüi nak pi kä om ci! Cun ung phi ng’yu ba nak kä om ciah thüisei nak cu sih nak ah kyak ci.

LUKA 18:23

Cun ah chang cu bühmang ciah kya ne, Bawipa Jesuh ah ng’thu cu ng’ya netah a hmai m’kyuum ne hteit ba ci.

MATTHE 19:22

Cun ah chang cu ang htei ah bühmang ci kya ne, Bawipa Jesuh naw cun ah a pyein cu ng’ya netah, kä yei nüng ne hteit ba ci.

MATTHE 13:22

Hliing hmu ah kya lawk ciah m’shi ci cu, ng’thu ni cu ng’ya tulang ne phi, ami ng’ä ai nak gui la ami bämang nak hlü gui naw, shung shet gui sei ng’thu ni cu kä vui pai hlawt ciah kyak ci.

MAKUH 6:26

Cun ng’ya netah ghangpughang cu ang htei ah a yä ci, cun ung phi khin gui khli ah ma ah, ng’thu khän ne a pyein pyi ah kia sei, kä peit ah kä om hlawt ci.

MATTHE 27:3

Cun kawn ah Bawipa Jesuh ga ah kut ung ap ciah Judas cu Bawipa Jesuh ami ngawn vai ah a mawng ng’ya ne, ang htei ah ng’yu ba netah, tangka thum-kip cu taigüpa gui la ami ng’vai gui ah ma ah law püi ba ci.

MAKUH 6:20

Johan cu chang k’ni la chang theing ah a kyak ah mawng cu Herod naw hmat netah, ani cu kyih ne akni ah om sak ci. Herod cu Johan ah ng’thu pyein ang yak tu päng ung, am lung kyong cäi ng’ä ne a kyak pang ung phi, yeikyai ne ngai tu hlük ci.

MAKUH 10:21

Bawipa Jesuh naw ani cu am hni nak awn kheing ne teng netah, “Nang ung tumat nabi vai hlü ba ci, hteit ba ne na khawh avan yoi netah ghawi-pyam ci gui-am na peit gui vai, cun ung nang cu khankho ah bühmang nak om khai. Cun kawn ah ka hnu ah na na läk vai” cine m’cäi ci.

MAKUH 10:23

Bawipa Jesuh naw ang düihpüi gui cu teng gui netah, “Bühmang ciah chang gui Khanpughi ah kho ah ami gawk vai cu khak aih ci nei” cine pyen na gui ci.