MAKUH 10:21 - Cho Bible Common Language 2016

²¹ Bawipa Jesuh naw ani cu am hni nak awn kheing ne teng netah, “Nang ung tumat nabi vai hlü ba ci, hteit ba ne na khawh avan yoi netah ghawi-pyam ci gui-am na peit gui vai, cun ung nang cu khankho ah bühmang nak om khai. Cun kawn ah ka hnu ah na na läk vai” cine m’cäi ci.

MAKUH 10:21 Referans Kwoze

THU PHLAAN 2:4

Cun ung phi ak htük ungka ah mäih ah nang naw kei cu kä na na m’hni ba ci kyasei, ning pyein m’sheet vai om ci.

LUKA 10:42

Mari naw aknipi ghü pyi ci, cun cu a u naw kä gut hlawt khai” cik ci.

JAMES 2:10

Thukhän tumat m’shet ciah chang cu thukhän avan m’shet ciah kiak ci nei.

LAMKTU 2:45

Ngah mi cu ami khawh cham yawi tuh u neh pyamtham ci am ami ng’yak hlü ah ciah tei pai ci gui.

LUKA 18:22

Cun aci cu Bawipa Jesuh naw ng’ya netah, “Nang ung tumat hlü ba ci, na khawhchaam avan yoi ne, ghawipyam ci gui-am na peit gui vai, cun ung nang cu khankho ah na bühmang khai; cun kawn ah kahnu ah na na läk vai” cine pyen nak ci.

MATTHE 16:24

Cun kawn ah Bawipa Jesuh naw ang düihpüi gui-am, “Kei awn atäng ah hteit tu hlük ciah chang cu, amät ah ng’yak hlü nawng shüt ne, amät ah kutlam tung kawt netah, ka hnu ah a na läk vai.

THU PHLAAN 2:20

Cun ung phi nang ka ning pyein m’sheet nak cu, amät naw amät Khanpughi ah ng’shä ah pyein ciah hnumi nu Jeyebel cu na dou ah hmawk ah kya ci. Ani naw kei ah chang gui cu ami pletbeng vai la a gup-am sonkcan ah ei nami ei vai ah m’theithang ne lam k’she m’shüm gui ci.

THU PHLAAN 2:14

Cun ung phi Balaam ah m’theithang läk ciah chang api cu pyein m’shet vai om ci nei: a gup-am sonkcan ah ei ei vai la, pletbeng vai ah Israel chang gui-am lam shüm gui ciah Balak khawshe cu Balaam naw am theithang ah kyak ci.

HEBRU 10:34

Nangmi naw thawng ung cun ci gui cu nami chimgein ci, nami khawhcham avan ami ning khäm peit gui ung phi yei ne nami om düt ci, a i ah kyasei ci ung nangmi ung cun ah khawh chaam gui ah tah küikyang pi ne, käng pyii hlawt ciah khawh a om cu nami hmat ah hmawk ah kyak ci.

LUKA 12:33

Nami khawh chaam gui yoi ne ghawipyam ci gui-am pe gui vä, kä thu ka thei ciah ngui ng’ip kawt ne, m’guk-ei ah kä m’guk nak, ca ah kä ei nak hlawt ah khankho ah kä ng’pyi hlawt ciah bühmang nak cu shui vä.

MAKUH 8:34

Bawipa Jesuh naw ang düihpüi gui la chang khli gui cu a pei ah khü gui netah, “Kei ah chang ah kya hlük ciah chang naw, amät ah hmawk cu nawng ne, amät ah kutlamtung kawt ne, ka hnu ah ana läk vai.

NG'THU K'THUUK~ 23:23

Düng nak, cai nak, theithang nak la m’lung ngaih ni — shin gui cu a phu käi ah hleih vai. Cun ung phi nang ah phäh ah yoih vai cu küi aih ci nei.

LUKA 19:41

Bawipa Jesuh cu Jerusalem gawnu ah gawk law ne, cun ah gawnu cu hmu law netah, kyap ci. Bawipa Jesuh naw, “Nang Jerusalem,

LUKA 9:23

Cun kawn ah Bawipa Jesuh naw chang gui-am, “Kei ah ng’khahpüi ah kya hlük ciah chang naw, amät ah hmawk nawng shüt ne, amät ah kutlam tung cu, ak hnüüp tä kawt netah ka hnu ah na läk sä.

MATTHE 19:21

Bawipa Jesuh naw, “Nang cu kümbe ciah chang ah na kyak hlü ung, hteit ba ne na khawhcham avan cu yoi netah, dukhaih ci gui-am na ngui avan cu na peit gui vai. Cun ah na bi ung nang cu khankho ah bühmang nak na hmuk khai, cun kawn ah ka hnu ah na na läk vai,” cine pyen nak ci.

2 KORIN 12:15

Nangmi ah hmawk ah a kyak ah khoi ung ka khawh la ka mät cu yeikyai ne ka ng’pyi sak khai nei. Kei naw ang htei ah ka ning m’hni gui ung nangmi naw a pi ah nami nam hni khai maa?

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

JOHAN 12:26

Kei ah bi bi hlük ci naw ka hnu ah na läk khai, kei ah chang cu a hawi ka om ung phi kei awn a täng ah om tuk khai. Kei ah bi bik ci cu Kapa Khanpughi naw m’tamkhah khai nei” cik ci.

LUKA 16:9

“Cun kawn ah kei naw ka ning m’cäi gui cu, khomdek khawhchaam bühmang nak kawn m’gein sei ng’khawtsheng nak cu bi vä. Cun ung vah cun ah bühmang nak ang pyi law ung, Khanpughi naw nangmi cu ang täi ghin nak ghui im ah ning na dou gui khai.

2 TIMOTHI 3:12

Bawi Khrit Jesuh ung kawng ät ne yum nak ung lünlawi hlük ciah ah chang phung cu dukdeiu nak gah khai nei.

ATÜNNAK 34:19

Shekhem naw Jakob ah hta hnumi phi m’hni aih neta, ang ghit ah vun-ah nak cu bik ci, ani cu ami kyong khui ung aküikyang pi ah kyak ci.

MAKUH 10:22

Cun ah chang cu ang htei ah bühmang ciah chang ah kya ne, Bawipa Jesuh ah ng’thu cu ng’ya netah, a hmai m’kyum ne thüi ne hteit ba ci.