MAKUH 10:20 - Cho Bible Common Language 2016

²⁰ Acun ah chang naw, “Bawipa, Cun ah thukhän gui cu kei naw kak hmaw yah ge ung tün ne ka läk ci nei” cine pyein ba ci.

MAKUH 10:20 Referans Kwoze

2 TIMOTHI 3:5

Ngahmi cu ami khan shai awn ami yum tu ung phi, ak-cang ah hlüngtai nak ah mawng cu hnu ng’tuk püi khai gui nei. Cun ah mäih ah chang gui cu na hlawi gui vai nei.

PHILIPPIAN 3:6

Kei cu ang htei ah m’thüikhang ne Khrithabum phi ka k’dukdeiu na man ci. Thukhän awn ng’düng vai cine, thukhän läk nak pyein law ung kei cu pyein vai kä om khai ah ka läk ci.

ROMAN 7:9

Kei ka mät phi thukhän cu kä ka hmat man ci, thukhän ka hmat law vai am tün ne, katnak cu kei ung ghing lawk ci.

MATTHE 19:20

Cun ah changnong naw, “Shin ah thukhän gui cu kei naw ka hmaw yah ung tün ne ka läk ci nei, cun kawn ah kei naw ka bi ba vai a i ang a hlü ba kaw,” cine ng’shi ba ci.

LUKA 10:29

Thukhän saya naw amät ah hmuhmat nak m’dang hlü netah, “Kei ah ka ng’kho chang cu a u ang?” cine ng’shi ba ci.

MALAKHI 3:8

Kei naw ka ning shi gui cu, Khanpughi ah khawh, chang naw a guh tep cu hman khai aw? Cun ung phi nangmi naw nami na gut tep ci nei. “A i hawkcha ah kami ning guh ang? nami ci ung, bum gha bum ät la pek tak gui cu nami na gut ci nei.

EZEKIEL 5:14

Nami vein gung om ciah pakhui gui ning sun gui ciah chang nü naw ami m’nei k’päi nei ning lek gui khai nei.

ISAIAH 58:2

Ngami naw a hnüüp tä na khawihnah ci gui, kei ah ka lamcu kmat u ne, kei ah ka thukhän cu läk hning ci gui ah pyen ci gui nei. Ngami naw clung ciah thukhän gui ka pek gui vai ah ng’ya hlük ci gui ah pyen ci gui. Ngami naw kei na khawihnah u ne yeikyai nak gah ci gui.

MAKUH 10:21

Bawipa Jesuh naw ani cu am hni nak awn kheing ne teng netah, “Nang ung tumat nabi vai hlü ba ci, hteit ba ne na khawh avan yoi netah ghawi-pyam ci gui-am na peit gui vai, cun ung nang cu khankho ah bühmang nak om khai. Cun kawn ah ka hnu ah na na läk vai” cine m’cäi ci.