MAKUH 10:2 - Cho Bible Common Language 2016

² Cun yah ung Pharisees gui cu law u ne, “Chang naw amät ah chu cu ng’chaa püi hning khai, ciah thukhän ung om ne ang?” cine thuvi ne ng’shik ci gui.

MAKUH 10:2 Referans Kwoze

JOHAN 8:6

Ngami naw Bawipa Jesuh cu m’kat hlü guih u netah, a i ah a pyein law hman ah cine, ami m’nüm nak ah kyak ci. Cun ung phi Bawipa Jesuh cu kawp netah, a kut khiu awn m’dek chüüt ne gu ne ngok ci.

MATTHE 23:13

“Thuvi ciah Pharisee gui la thukhän saya gui, nangmi ung thüinak aih om ci. Nangmi cu khankho ah chang gui naw ami kai nak vai ah m’kawt nami khai ci. Nami mät phi kä nami lut ci, lut hlü ne tha nak ciah chang phi kä nami luh sak ci.

1 KORIN 10:9

Mikmi naw chang amshah gui ah mäih ah Bawi Khrih cu kämi phawtcam men vai, ngami cu k’phyu naw k’dawk gui sei si yawp ci gui.

JOHAN 11:57

Taigüpa gui la ang vaipi gui naw, “Jesuh cu pha vai kya sei, ani ah om nak hmat ciah chang naw a pyein law vai nei” ci ne ng’thu ami m’shäk yawp pyi ah kyak ci.

JOHAN 11:47

Cun ah kyasei, taigü ng’vai gui la pharise gui naw ng’cuh u ne kawngsi ah hteit u netah,” Shin ah chang naw cäi aih vai gui akda bi pyi ci, mikmi naw a i kä bi ne mi om khai ma?

JOHAN 7:48

Mi ng’vai gui la Pharise gui ung kaa, ani yum ciah chang om ne ang?

JOHAN 7:32

Cun ah chang gui naw, Bawipa Jesuh ah mawng ami pyein cu ng’ya u netah, pharise gui la taigüpa gui naw, gakap gui cu tüi ne Bawipa Jesuh cu phaa sak gui ci gui.

LUKA 16:14

Ngui ng’ya hlük ciah pharisee gui cu, cun ah ng’thu cu ng’ya u netah, Bawipa Jesuh cu m’lep nak ci gui.

LUKA 11:39

Bawipa Jesuh naw, “Nangmi pharisee gui, nami ei bei, umk’am gui akpung ah theing khai ah nami m’si ung phi, nami m’lung kyong läi cu ng’tuk ng’ah nak hlü la shetkat nak awn be ci nei.

LUKA 7:30

Cun ung phi Pharisee gui la ng’thukhän hmat ci gui läi cu, Khanpughi ah ng’yak hlü nawng ci gui ah kya ne, Johan ah tuihnim nak cu maa nak ci gui.

LUKA 6:7

Pharisee gui la thukhän saya gui cu, Bawipa Jesuh ami m’kat nak vai a mawng shui hlü u netah, kyin hnüüp ung cun ah a kut shum gai sak hman khai cine teng ci gui.

LUKA 5:30

Pharisee gui la Thukhän saya gui naw, “A i ah kyasei a khon look ci gui la changshe gui awn a täng ah nami ei awk ang?” ci ne k’she na gui ci gui.

MAKUH 8:15

Bawipa Jesuh naw, “Nang mi naw Pharisee gui ah k’caw la Herod ah k’caw cu geing nah ne nami hlawi vai nei” cine ang düihpüi gui cu m’cäi gui ci.

MAKUH 8:11

Pharisee amshah gui cu law u netah, Bawipa Jesuh cu ng’kütneet ne ng’cuhcan püi ci gui. Ngami naw ami thuvi nak awn, “Khanpughi naw a ning m’hni nak saksi dang khai ah cäi aih vai tumat cu m’dang law shüm ä,” cine thäh ci gui.

MATTHE 22:35

Ngami ungka thukhän saya tumat naw, thuvi ne ngaihtüh netah;

MATTHE 19:3

Pharisee gui cu a pei ah law u netah, ami phawtcam nak ah, “Chang tumat cu a i ah a mawng awn phi bäi, ak chu awn ng’chaa hning ci goi ang?” cine ng’shik ci gui.

MATTHE 16:1

Pharisee gui la Sadducee gui cu Bawipa Jesuh ah pei ah law u netah, ami phawtcam nak ah, Khanpughi a tüih law ah mawng cäi aih vai cu am dang vai ah k’thäh ci gui.

MATTHE 15:12

Ang düihpüi gui naw a pei ah law u netah, “Nang Bawipa naw thu na pyein ah phäh ah pharisee gui m’lungkshe ci gui nei, na hmat ci ang?” cine pyein lawk ci gui.

MATTHE 9:34

Pharisee gui naw, “Shin ah chang naw, khoshe bawi ah peit ah huham awn, khoshe cu k’täm ci nei,” cine pyein ci gui.

MALAKHI 2:16

Israel Khanpughi Bawipa naw, “Ng’cha nak cu kei naw ka thüi nak ci, Nangmi ungka tumat mat naw shin ah mäih akshe cu, ak chu ah khan ah abi ung kei naw ka thüi nak ci. Nami chu ung bekhüt ne, shaitak kä nami m’shet en vai ah ng’htei cha ne nami om vai nei” cik ci.

MAKUH 10:1

Cun kawn ah Bawipa Jesuh cu, cun ungka ng’düi law ne Judea kho ah hteit netah, Jordan tuinu hei kat ci. Chang gui cu Bawipa Jesuh ah pei ah ng’cut law ba u sei, am theithang man ah m’theithang ba gui ci.

MAKUH 10:3

Bawipa Jesuh naw, “Moses naw a i cha ah ang thukhän a ning peit gui” ci ne ng’shi tu ba gui ci.