MAKUH 10:18 - Cho Bible Common Language 2016

¹⁸ Bawipa Jesuh naw, “A i ah kyasei kei-am chang k’ni ah na na pyein ang? Khanpughi ah kawn ah nik ciah chang a u kä om ci nei.

MAKUH 10:18 Referans Kwoze

LUKA 18:19

“Bawipa Jesuh naw,” a i ah kyasei kei cu chang k’ni ah na na khü ang? Khanpughi ah kawn ah chang k’ni a u kä om ci nei.

MATTHE 19:17

Bawipa Jesuh naw, “Nang naw nik ciah bi ah mawng a i ah kiasei kei na nang shi ang? Changnitumat bäng nei om ci, Nang cu ang täi ghin nak na gah hlü ung thukhän cu na läk vai,” ci ne kiak nak ci.

1 JOHAN 4:16

Khanpughi naw anam hni nak gui cu mi mät naw mi hmat ne mi yum ci. Khanpughi cu m’hni nak ah kyak ci, m’hni nak ung om ci cu Khanpughi ung om ciah kyak ci, Khanpughi phi ani ung om ci.

1 SAMUEL 2:2

“Bawipa ah mäih ah theingcim ci, a u kä om ci nei, Mi Khanpughi ah mäih ah shungvong ci, a u kä om ci.

ROMAN 3:12

Chang avan cu lam hma yawp ci gui nei, Chang avan cu a täng ah shekat yawp ci gui nei; Chang k’ni tumat phi kä om ci, tumat hta phi kä om ci nei.

1 JOHAN 4:8

M’hni nak kä om ciah chang naw Khanpughi cu kä hmat ci, a i ah kiasei ci ung Khanpughi cu hni nak ah kyak ci.

JAMES 1:17

Nikiom ciah m’shumphyuk nak la kümbe ciah m’cümhnah nak cu, khankho ah kaa lawk ci; Cun cu käng khukhlat ci, hmüp nak kä law püi ci, khankho dei tüisho ciah Khanpughi ungka lawk cia kyak ci.

SAM 119:68

A i hlawk ah na nik ci, a i hlawk ah na bä ci ang! Na thumkhän cu na m’thei ä.

SAM 86:5

Nang cu na nik ci, na na m’gein sei gui ci, nang ah taigü ci van ah khan ah na m’hni nak akbe om ci.

SAM 145:9

Ani cu avan ah khan ah nik ci, tüisho avan cu chihna ci.

MAKUH 10:17

Bawipa Jesuh cu a hei lam ung hteit khai ah a pawng yah ung chang tumat cu a pei ah law ne, m’khukdong netah, “Nik ciah sayapa, angtäi ghin nak ka gah vai ah a i ang ka bi kaw?” cine ng’shik ci.

MAKUH 10:19

Chang kä ngawn vai, chang ah chu kä kat püi vai, käm guk vai, käng düng ciah kä saksi vai, kä hleeihlak vai, nupa m’htei vai, ciah thukhän gui cu na hmat ciah kä kya ne ang?” cine kiak nak ci.