MAKUH 10:17 - Cho Bible Common Language 2016

¹⁷ Bawipa Jesuh cu a hei lam ung hteit khai ah a pawng yah ung chang tumat cu a pei ah law ne, m’khukdong netah, “Nik ciah sayapa, angtäi ghin nak ka gah vai ah a i ang ka bi kaw?” cine ng’shik ci.

MAKUH 10:17 Referans Kwoze

ROMAN 2:7

Ak ni ah om ne, bämang nak, m’kümtou nak la sih nak kä om ciah ghin nak shui ciah chang gui am, Khanpughi naw angtäi ghin nak cu pek khai.

LUKA 10:25

Thukhän saya tumat cu Bawipa Jesuh ah pei ah law netah, “Sayapa, angtäi ghin nak ka gah vai ah a i ang ka bi kaw?” cine a phawtcam nak ah ng’shik ci.

LAMKTU 16:30

Cun kawn ah ngami cu k’pung ah luh law püi gui netah, “Bawi gui aw, Hun nak ka gah vai ah a i nei ka bi kaw?” cine ng’shi gui ci.

LAMKTU 2:37

Cun ah ng’thu ng’yak ciah chang gui cu, ang htei ah ami lung khih gui khä tah, Peter lah a hei ang düihpüi gui am, “Phäi naü gui aw, a i ah mi kyak khai ang” cine ng’htau gui ci gui.

LAMKTU 20:32

“Tuk bäi kei naw nang mi cu Khanpughi ah kut ung la, am gein nak ah Thu Ni ung ka ning ap gui ci. Cun ah Thu Ni naw, Khanpughi naw ak chang gui ah hmawk ah am hnüt ah, hriham ning pe gui ne ning düih sak gui khai.

LAMKTU 9:6

Acun ah k’aw naw, “Kei cu nang naw nak dudeiu nak ah Jesuh nei, cun ung phi tuk bäi ng’düi law ba neh, pigawnu kyawng ah hteit ä, cun kawn ah na bi vai cu na hmat lawk khai nei” ci neh kyak nak ci.

MATTHE 25:34

Cun kawn ah ghangpughang naw akpat lam ah om ciah chang gui-am, ‘Law vä, Kapa ah phyutheh nak nami gah ciah chang gui, khomdek a tüi pyan ung tün ne nangmi ah hmawk ah a pyan ah uknak kho ung om vä.

MATTHE 17:14

Bawipa Jesuh la ang düihpüi gui cu chang gui ah om nak ah gawk law ba u khätah, chang tumat cu Bawipa Jesuh ah ma ah law ne khuukdong netah,

JOHAN 6:40

Kapa Khanpughi naw A Htapa hmu ne yum ciah chang phung cu, angtäi ghin nak a gah vai ah ng’ya hlük ci. Kei naw phi, ngami cu, akhnu hnüüp ung sihnak ung kaa, ka thawh ba sak gui khai” ci ne m’thein gui ci.

DANIEL 6:10

Cun ah thu k’bäi ami guk cu Daniela naw hmat neta, a im ah hteit ba ci. A im akhan kyong ah Jerusalem täng ah mang ciah m’kawt gui om ci. A cun ung ani naw akphlüt sei a bi man ah mäih ah, m’kawt hmawng ne m’khuuk dong neta, hnüüp ät ung thum vei ci, Khanpughi ah taigü ci.

JOHAN 5:39

Cacim ung angtäi ghin nak om khai ah ngai ne cacim bäng nami teng ci. Acun ah cacim naw kei ah mawng cu saksi ci.

JOHAN 3:2

“Rabbi, nang cu Khanpughi ah tüih law ah saya ah na kyak ciah kami hmat ci nei. A i ah kyasei ci ung, Khanpughi naw a täng ah kä a om püi ah chang naw, nang ah bi ah cäi aih gui vai cu kä bi hlawt khai nei” cine pyein ci.

MAKUH 12:14

Cun ah chang gui cu Bawipa Jesuh ah law u netah, “Bawipa, nang naw ng’düng nak awn thu na pyein ci, chang ah ngaih kä nam tung ci, chang ah hmai kä na teng ci, Khanpughi ah ang yak hlü ah ng’düng ciah nam theithang nak cu kami hmat ci nei. Cun ah kyasei Roman ghangpughang-am k’phlam peit vai ang, kä peit vai ang, keimi naw mä kami pek khai ang kä kami pek khai ang? cine phawtcam nak awn ng’shik ci gui.

MAKUH 9:25

A pei ah chang gui dawng law u sei, Bawipa Jesuh naw hmu gui netah, “Ang ne pang ciah khoshe, tuhbäi ak hmaw ungka lut law ne a hei ah na hteh vai, a i yah ung phi kä na ng’et-en law ba vai, kei naw ka ning k’täm ci nei” cine khoshe cu k’täm ci.

MAKUH 1:40

Kheilei ung gaw ciah chang tumat cu Bawipa Jesuh ah pei ah law ne, m’khukdong netah, “Bawipa nang yak hlü a om ung kei cu na theek gai sak ä” cine ng’yoi ci.

MATTHE 28:8

Cun ah hnumi gui cu ami kyihkyawk pang ung phi ang htei ah yeikyai u ne, acun gui cu ang düihpüi gui-am m’thein ba khai gui ah dawng ba ci gui.

1 JOHAN 2:25

Cun cu Bawi Khrit amät naw shaitaak nak ana peit gui ah angtäi ghin nak cu gah ah kyak ci.

ROMAN 6:23

Shetkat nak ah a phu cu sih nak ah kyak ci; Cun ung phi Khanpughi naw a phu kä m’hnüt vai ah am gein nak cu, mi Bawipa Jesuh Khrit ung kawng ät nak awn gah ah angtäi ghin nak ah kyak ci.

MAKUH 10:18

Bawipa Jesuh naw, “A i ah kyasei kei-am chang k’ni ah na na pyein ang? Khanpughi ah kawn ah nik ciah chang a u kä om ci nei.

EPHESIAN 1:18

Kei naw ani ah ak dei cu nami m’lung awn nami hmuh vai ah ka ning k’thäh pe gui ci, cun ah kyasei, a i nami ngaih u vai ah a ning khü gui ah mawng, ak chang gui-am a peit ah shaitaak cu a i hlawk ah cäicat vai ah abä nak ah mawng,

TITUS 3:7

Cun ah kyasei mikmi cu am gein nak awn Khanpughi ung düng nak mi gah ne, mi ngaih u ah angtäi ghin nak cu mi gah vai ah kiak ci.

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

1 PETER 1:4

Cun ah kyasei Khanpughi naw ak chang gui ah hmawk ah m’küm ne a gim ah ng’bühmang nak cu khäm vai ah mi ngaih u nak om ci. Cun gui cu nang mi ah hmawk ah kä chükmaih kä didam hlawt khai ah, Khanpughi naw khankho ah m’küm ci.