MAKUH 10:14 - Cho Bible Common Language 2016

¹⁴ Bawipa Jesuh naw hmu gui netah, m’lung she ne, “Akhmaw hta gui cu kei ah law u sä, kä ma na gui vä, Khanpughi ah uknak kho cu ngami ah kho ah kyak ci nei.

MAKUH 10:14 Referans Kwoze

MATTHE 19:14

Bawipa Jesuh naw, “Akhmaw hta gui cu kei ah law u sä, kä ma na gui vä, khankho uknak cu shin ah mäih ah ak hmaw hta gui ah kho ah kyak ci nei,” cine pyen na gui ci.

MATTHE 18:10

“Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.

MATTHE 18:4

Shin ah ak hmaw ah mäih ah am lung thawng ne neim sak ciah chang cu khankho uknak ung ak hlüngtai pibäih ah kyak ci.

1 PETER 2:2

Htanak thai ah ak hmawhta cu, suuktui a gha ah mäih ah, angtäi sei mümcha suuktui ah nami gha vai nei. Cun ung vah cun ah suuktui nami awk nak awn, däm ng’vai u ne, hun nak nami gah khai.

2 TIMOTHI 3:15

Na hmaw sang ung tün ne, cüivai nak ning pe ne, Bawi Khrit Jesuh yum nak awn hun nak gah vai ah lam shüm ciah, Cacim Theing na hmat ah mawng cu na shüm ba vai nei.

THU PHLAAN 14:5

Ngami cu a i sang ung phi kä hleei ci gui, m’kat nak gui vai a i kä om ci.

2 TIMOTHI 1:5

Na pighi Lois la na nu Eunice ah mäih ah ng’ciim ciah yum nak cu ka shüm ba ci nei. Ngahni ah mäih ah na yum ciah ka ngaih gep ci nei.

EPHESIAN 4:26

Nami m’lung a shet law ah a kyak ung phi, nami m’lung she nak cu cheishoh nak ung kä gawk en sä, nami m’lung she nak cu hni naw kä luh-en püi sä.

1 KORIN 14:20

Phäinau gui aw, ak hmawhta gui ah mäih ah kä nami kyak vai nei; ak hmawhta gui ah mäih ah shetkat nak phiawn tah u ne, ang vai pyi ah mäih ah nami ngaih-tüh vai.

1 KORIN 7:14

Kä yum tuk ciah a cei cu yum ciah ak chu awn ani ng’khap ah hmawk ah, ani cu Khanpughi naw dou ci, kä yum tuk ciah ak chu cun phi yum ciah a cei awn ani ng’khap ah hmawk ah ani cu Khanpughi naw dou ci. Cun ah kä a kyak ung cun ah chang gui ah ami hta gui cu khoshe ah hta ah kyak khai gui. Cun ung phi cun ah hta gui cu Khanpughi naw yei ne a dou gui ah kyak ci gui.

ROMAN 11:28

Jew chang gui cu Thu Ni hnu ng’tuk püi u ne, Khanpughi ah gaa ah kya lawk ci gui. Cun cu nang mi khui hei chang gui ah yei nak vai ah hmawk ah kyak ci. Cun ung phi ngami cu Khanpughi naw a ghü gui te ah kya ne, ami pupa gui ung thukhän a peit nak gui awn ngami cu m’hni gui lä ci.

ROMAN 11:16

M’htut pum ät cu k’bou ne Khanpughi am ap ah a kyak ung m’htut pum avan cu ap ah kyak ci, Singghing tumat ah ang yung cu Khanpughi am ap ah a kyak ung ang ban avan phi ap ah kyak ci.

LAMKTU 3:25

Khanpughi naw a prophet gui awn apeit ah shai tak gui lah, Nami pu pa gui am Khanpughi ah ng’thu m’khän gui cu, nang mi ah hmawk ah kiak ci. Khanpughi naw Abraham am, “Nang ah hta ng’shon gui awn khomdek chang avan cu hrilham ka pe gui khai nei.

LAMKTU 2:39

Khanpughi ah shai tak cu, nang mi ah hmawk, nami hta naü gui ah hmawk lah ang shawng ah om ci gui ah Khanpughi naw akhü gui ah chang gui phung ah hmawk ah kyak ci” ci neh m’thein gui ci.

MAKUH 8:33

Bawipa Jesuh naw ang düihpüi gui cu teng gui netah, Peter am, “Nang khoshe a hei ah hteit ä, nang ah ngaih-tüh cu Khanpughi ung ka lawk ciah kä kyak ci, chang ung ka lawk ciah kyak ci” cine k’she na ne m’cäi ci.

MAKUH 3:5

Cun ah chang gui ah shekha m’ghämce ah hmawk ah, Bawipa Jesuh cu thüi ah phi thüi ne, am lung phi she khätah, ngami lam ah ng’hlat ne teng gui netah, a kut shuum ciah chang-am, “Na kut cu hei phiäih ä” cine pyen nak ci. Ani naw a kut hei phiäih khätah a kut cu akni ah kya ba ci.

ISAIAH 65:23

Ngami naw ami bilawh phung cu m’khüt näng nak om khai, ami hta nau gui naw leigai kä bui awt khai gui. Kei naw ngami la ngawi yä ami htangshon cu hriham ka pe gui khai.

SAM 78:4

Mi hmaw gui am kä mi m’zih gui khai; Bawipa ah a huham, küikyang ciah a hnün thawh, la cäicat vai a bi gui cu mi hta ng’shon am mi m’thein gui khai.

THULÄÄN NAK 4:37

Ani naw nami pupa gui m’hni gui ci, Ning ghü gui ci, dämduh ciah a huham awn amät naw Egypt khaw ungka ning law püi ba gui ci.

KHEI NAK 14:31

Nangmi naw nami hta gui cu, pha gui khai gui ah nami pyen ci, cun ung phi nangmi naw nami hnungtuk püi ah khaw ah kei naw ngami cu ka hteh püi gui khai, cun cu ngami ah im ah kyak khai.

ATÜNNAK 17:7

“Kei naw ka shaitak cu nang la na htangshon ung ng’täi ciah thukhän ah ka küm sak khai. Kei cu nang la na htangshon ah Khanpughi ah ka kyak khai.

1 SAMUEL 1:22

Cun ung phi cun ung Hannah kä hteit tuk ci. Ani naw a cei am, “Ak hmaw tui tui kä a awk ba vai am, ani cu Bawipa ah im ah ka hteh püi khai, a ghin ah chuih a ca om khai,” cik ci.

1 SAMUEL 1:11

Hannah naw akthuuk ah shaitak ci: “Ak hlüngtai Bawipa, na teng ä, na changshäm! Ka khüikha nak cu na hmuh pe ne, na shüm ä! Kä na m’hnih ä! Htapa na na pek ah a kyak ung, a ghin nak avan cu nang am ka ning ap khai ah shai ka tak ci nei, ani naw a lusam cu kä at phung khai nei.

MATTHE 5:3

“Mumcha geinvai ah mawng hmat ciah chang gui yeikyai vä; Khankho cu nangmi ah kho ah kyak ci!

MATTHE 5:10

“Khanpughi ah düng nak abi nak awn, Shedam nak gah ciah chang gui yeikyai vä; Khankho cu nangmi ah kho ah kyak khai!

JOHAN 3:3

Bawipa Jesuh naw, “Kei naw akcang ka pyein cu, hnih vei ng’tüi nak kä gah ci naw Khanpughi ah uknak kho kä hmuk khai” ci ne kiak nak ci.

JOHAN 3:5

Bawipa Jesuh naw, “Kei naw akcang ka pyein cu, tui la Mumcha Theing awn kä ng’tüi cicu Khanpughi ah uknak kho ah kä lut hlawt khai.

JOSHUA 8:35

Moses ah thumkhän gui nü cu Joshua naw chang bum van ah ma ah phat ci. Acun ung hnumi gui la a hmaw gui ni, ami ng’lung ah om tuk ciah khuihei chang gui mah ah om ci gui.