MAKUH 10:11 - Cho Bible Common Language 2016

¹¹ Bawipa Jesuh naw, “Akchu nawng ne a hei hnumi chu na tu ba ciah pami cu akchu ah khan ah katnak bik ciah kyak ci.

MAKUH 10:11 Referans Kwoze

MATTHE 19:9

Kei naw akcang ka pyein cu, pami naw ak chu cu, ak pami hei awn ani shetkat nak kä a om ah khawi ung, a i katnak a om ung phi kä ang chaa-en püi vai, ak chu ng’chaa püi ne, a hei chu na tu ba ci cu, ak chu ah khan ah katnak bik ciah kyak ci,” ci ne m’thein gui ci.

ROMAN 7:3

Cun ah kya sei ani cu a cei ghing ne om lang sei, a hei pami awn ani om ba ah a kyak ung ani cu thuihmai chang ah pyein vai kyak ci. Cun ung phi a cei a sih läi ung, ani cu thukhän phiawn na pyi ci kya sei, a hei pami awn ani ng’chulaa ba ung thuihmai chang ah pyein vai ah kä kyak ci.

LUKA 16:18

Akchu nawng ne a hei chu na tu ba ciah pami cu, akchu ah khan ah kat nak bik ciah kyak ci. Chang ah ng’chaa püi ah hnumi chu nak ci cu chang ah chu kat püi ciah kyak ci.

1 KORIN 7:4

Ak chu naw amät ah pumsa cu kä khäm ci, acei naw khäm ci; acun ah mäih ah acei naw amät ah pumsa cu kä khäm ci, ak chu naw khäm ci.

HEBRU 13:4

Chungla nak cu chang avan naw a htingling ah ang ngaih vai nei, Chu la cei cu tumat la tumat bekhüt ne ani om vai. Khanpughi naw cheishoh ci la hlawhlang ciah chang gui cu yuk m’khoichaa gui khai nei.

MAKUH 10:10

Ang düihpüi gui cu im ah gawk ba u netah, acun ah mawng cu län ne Bawipa Jesuh cu ng’shi ba mä ci gui.

THULÄÄN NAK 24:2

Cun kawn ah ani naw a hei pami cei na tuba khai.