MAKUH 10:1 - Cho Bible Common Language 2016

¹ Cun kawn ah Bawipa Jesuh cu, cun ungka ng’düi law ne Judea kho ah hteit netah, Jordan tuinu hei kat ci. Chang gui cu Bawipa Jesuh ah pei ah ng’cut law ba u sei, am theithang man ah m’theithang ba gui ci.

MAKUH 10:1 Referans Kwoze

JOHAN 10:40

Bawipa Jesuh cu Jordan tui hei gaa ah vang kat ba ne, tuihnim Johan naw, tuihnim a peit nak man ah hteit ba ne om ci.

MAKUH 4:2

Chang gui cu tui kem ah ng’düi ci gui. Bawipa Jesuh naw amawng alam akda cu m’tumtäng ne m’theithang gui ci.

JOHAN 11:7

Cun kawn ah “Judea kho ah mi hteit ba khai nei” ci ne ang düihpüi gui pyen na gui ci.

MAKUH 6:34

Bawipa Jesuh cu hleiko ung hang kai netah, chang khli cu hmu gui ci. Chang gui cu htoshäm kä om ciah hto gui ah mäih ah kia u sei m’gein gui netah, ng’Thu Ni akda cu pyein ne m’theithang gui ci.

MATTHE 4:23

Bawipa Jesuh cu Kalile kho avan ung hteit ne pum im gui ung m’theithang gui ci. Khankho ah mawng ng’thu phi pyein ci, a hlü hlü ah gawpai ci gui phi gai sak gui ci.

JEREMIAH 32:33

Ngami naw kei na hnu nak ci gui; Cunung phi kei naw ka m’theithang gui ci, ngami naw kä ngai ci gui, kä ng’thei ci gui.

JOHAN 18:20

Bawipa Jesuh naw, “Kei naw chang gui ah ma ah ang dang ah kam thein gui ci. Jew chang gui ah ng’bum nak ah kyak ciah pum im la taigü im ung vah kei naw kam theithang gui ci, a i yah ung phi ng’yih kuh ne kä ka ng’thu man ci.

MAKUH 6:6

Bawipa Jesuh cu ngami ung yum nak kä a om ah phäh ah cäi ng’ä ci.

MAKUH 2:13

Bawipa Jesuh cu Kalile tuinu kam yung ah a htehhton ba yah ung, chang khli cu a om nak ah law u sei m’theithang gui ci.

THUSHÄUTU 12:9

Cun ung phi Thushätu cu cüivai ci kya ne, ani naw a hmat cu chang gui am m’thei htang gui lä ci. Ani naw thu thuuk gui cu ng’thei ne a hman nak cu m’nüm ci.

MATTHE 26:55

Cun kawn ah Bawipa Jesuh naw, chang gui-am, “Nangmi cu m’gut ei pha ah mäih ah kei nami na phak khai ah, htung tawn ni khim ni kawt ne nami lawk ci ma? Kei naw ak hnüüp tä pum im ung ngo ne kam theithang yah ung nangmi naw kei kä nami na phak ci maw?

MAKUH 1:21

Bawipa Jesuh la ang düihpüi gui cu Kapernaum gawnu ah gawk law u netah, kyin hnüüp ung Bawipa Jesuh naw pum im ah hteit ne m’theithang gui ci.

MAKUH 6:2

Kyin hnüüp ung Bawipa Jesuh naw pum im ah hteit ne m’theithang gui ci. Cun ah am theithang gui cu ng’ya u netah chang gui cu cäicat u ne, “Shin ah chang naw shin ah hmuhmat nak a hawi kaa ang a gah? Ani ah hmuhmat nak cu a i hmuhmat nak ang? Cäi-aih vai gui mä a i hawkcha ah am dang hning ang?

MAKUH 10:2

Cun yah ung Pharisees gui cu law u ne, “Chang naw amät ah chu cu ng’chaa püi hning khai, ciah thukhän ung om ne ang?” cine thuvi ne ng’shik ci gui.

MAKUH 12:35

Bawipa Jesuh naw pum im ah am theithang gui yah ung, ani naw ang shi gui cu, ‘Messiah cu David ah hta ng’shong ungka ah kyak khai’ cine, a i hawkcha ah thukhän saya gui naw ami pyein hning ang?

MAKUH 14:49

Kei cu ak hnüüp tä sei nami ma ge ung pum im ah m’theithang gui ne ka om ci. Cun yah ung nangmi naw kä nami na phak ci. Cun ung phi cacim cu akcang ah küm khai nei” ci ne kiak na gui ci.