MAKUH 1:7 - Cho Bible Common Language 2016

⁷ Ani naw chang gui ah ma ah thu ang ng’shäu cu, “Kei ah hlüngtai pi ciah Bawipa cu kei ah hnu ah dang lawk khai nei. Kei cu ani ah phahnak gui k’phian khai a phi kä ka khin ci nei.

MAKUH 1:7 Referans Kwoze

LAMKTU 13:25

A bi lawh gui ng’pyi law vai khä tah Johan naw ak chang gui am, “Kei a u ah na mi na ngai ne ang? Kei cu nami gin ah Bawi ah kä ka kyak ci, Cun ah Bawi cu kei ah hnu ah gawk lawk khai, kei cu ani ah pha hnat gui phi ka k’phian khai ah kä khin ci” ci ne pyein ci.

JOHAN 1:27

Cun ung phi kei cu ani ah phahnat gui k’phian khai ah phi kä ka khin ci” cik ci.

LUKA 3:16

Johan naw, “Kei naw tui awn ng’hnim nak ka ning pe gui ci. Cun ung phi kei ah hlüngtai pi cicu lawk khai, Kei cu ani ah phahnak gui phi kä ka k’phian hning ci, ani naw Mumcha Theing la mei awn hnim nak ning pe gui khai;

MATTHE 3:11

Nangmi nami ng’yu ba ah hmawk ah tui awn tuihnim nak ka ning pe gui ci, Kei ah ka hnu ah lawk ciah Bawipa naw Mumcha Theing la mei awn hnim nak ning pe gui khai. Ani cu kei ah mä hlüngtai pi ci, Kei cu ani ah phahnak phi ka kawt khai ah kä ka khin ci.

MATTHE 3:14

Cun ung phi Johan naw, “Kei cu nang naw tuinim nak na na pek khai ah kyak ci, cun ung phi kei ah nang na lawk ci ma?” cine ana maa nak ci.

1 SAMUEL 25:41

Abigail cu m’dek ung ng’boop neta, “Kei cu ani ah changshäm nei, ani ah chang gui ah khaw m’si vai ah ka om ge ci nei” cik ci.

MAKUH 1:6

Johan cu kala-uk ah mu awn tah ah sui cu sui ne, mehvun cu m’ciu ah vawp ci. Ani ah ei awk cu khingkhighi la khoitui ah kyak ci.

MAKUH 1:8

Kei naw nangmi cu tui awn hnim nak ka ning pe gui ci, cun ung phi ani naw Mumcha Theing awn hnim nak ning pe gui khai nei” ciah kyak ci.

LAMKTU 19:4

Paul naw, “Johan ah tuihnim cu katnak ungka ng’yu ba ci gui ah hmawk ah kya ci, Johan naw ka hnu ah lawk ciah Bawipa cu nami yum vai cine Judah chang gui am m’thei gui ci. Cun ah Bawi cu Bawipa Jesuh ah kya ci” cine m’thein gui ci.