MAKUH 1:5 - Cho Bible Common Language 2016

⁵ Judea kho la Jerusalem mang gaw ungka chang akda cu law ne Johan ah thu ngai lawk ci gui, ngami cu ami katnak ung ng’yu ba u ne, Jordan tuinu ung tuihnim ci gui.

MAKUH 1:5 Referans Kwoze

LAMKTU 19:18

Bawipa Jesuh yum ciah chang akda gui cun phi law u ne, ng’you hleip ne ami bilawh kä ani nak cu ah mawng chang gui ah ma ah pyein ne ng’kiaa ci gui.

LAMKTU 2:38

Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

JOHAN 3:23

Johan cun phi Salim gawnu pei Anon pigaw ah tuihnim nak pe gui ne om ci. Zum ciah chang gui cu Johan ah law ne tui ng’hnim ci gui.

JOHAN 1:28

Shin ah bi nak gui avan cu Johan naw tuihnim nak apeit nak Jordan tuinu hei gaa Bethani kho ungka ah kyak ci.

MATTHE 4:25

Kalile kho, kho pagha ah ming ciah Dekapoli kho, Jerusalem gawnu, Judea kho la Jordan tuinu vang ga ah om ciah chang khli naw Bawipa Jesuh cu a hnu ah läk lawk ci gui.

NG'THU K'THUUK~ 28:13

Na hmakat nak cu k’tha na ne na thuh ah a kyak ung, na ghin nak ung ngawi ah phi ka na naing khai. Na ng’kiaa yawp vai na nawng yawp vai: cun ung Khanpughi naw ning m’gein khai.

SAM 32:5

Na ma ah ka katnak gui cu ka ng’yu ci nei; ka cheishoh nak cu kä ka m’zih ci nei. Katnak ka ng’yu khai ah ka k’bäi kawn ah ka cheishoh nak avan na na m’geinsei ci nei.

JOSHUA 7:19

Joshua naw ani am, “Ka hta aw, Israel gui ah Khanpughi Bawipa ah ma ah akcang na pyen vai, na ng’yu ba vai. A i na bi cu tuhbäi na na m’thein vai. Kei ah ma ah na m’yih vai ah kä na tha nak en vai” cik ci.

MAKUH 1:4

Cun ah kyasei Tuihnim Johan cu bungpuk ah dang law netah, tuihnim nak pe ne ng’thu ang ng’shäu law cu “Nami katnak gui ung ng’yu ba ne tuihnim yawp vä, cun ung Khanpughi naw nami katnak ning m’gein gui khai nei” ciah kyak ci.

MAKUH 1:6

Johan cu kala-uk ah mu awn tah ah sui cu sui ne, mehvun cu m’ciu ah vawp ci. Ani ah ei awk cu khingkhighi la khoitui ah kyak ci.

JOHAN 5:35

Johan cu ng’läh ne däi ciah mei-im awn täng sei, ani ah akdei ung ashäng yei ne nami om hlük ci.

JAMES 5:16

Nami shetkat nak tumat la tumat ng’kiaa ne ng’paa na tu u ne, tumat la tumat nami ng’taigü tu peit vai nei, cun ung gai nak nami gah khai nei. Chang k’ni ah taigü nak cu hlüngtai küikyang nak om ci nei.