MAKUH 1:45 - Cho Bible Common Language 2016

⁴⁵ Cun ah chang cu hteit ba netah, a theek gai ah mawng cu van-am m’thein ne ngak ci. Cun ah a mawng cu chang van naw yat sei, ng’ya pyi ciah kyasei, Bawipa Jesuh cu a i pigaw ah phi akdei ang dang ah kä hteit hlawt ci. Ang thuh nak pigaw k’pung lam ah hteit ne om ci ci. Cun ung phi apigaw päng ungka chang akda cu a om nak ah gawk lawk ci gui.

MAKUH 1:45 Referans Kwoze

MAKUH 2:13

Bawipa Jesuh cu Kalile tuinu kam yung ah a htehhton ba yah ung, chang khli cu a om nak ah law u sei m’theithang gui ci.

MATTHE 9:31

Cun ung phi ngahni cu ani hteh ba vai-am Bawipa Jesuh ah a mawng cu, cun ah kho avan ung thang khai ah pyein ci goi.

JOHAN 6:2

Gawpai ci gui a gai sak ba gui cäi aih vai ah hmu tu te ci gui ah chang akda naw a hnu ah läk lawk ci gui.

SAM 77:11

Küikyang ciah na hnün thawh cu ka shum ba khai nei, Bawipa; Zan ä na bi ah cäi aih vai gui cu ka khü ba khai nei.

MAKUH 3:7

Bawipa Jesuh cu ang düihpüi gui awn a täng ah Kalile tuili pei ah hteit ba u sei, chang khli naw a hnu ah läk lawk ci gui.

MATTHE 28:15

Gakap gui cu ngui la u netah, ami m’cäi gui ah mäih ah pyein ci gui. Gakap gui ah pyein ah thu cu tuhngawi güt Jew chang gui ah ng’lung ah thang lä ci.

TITUS 1:10

A i kä ami hmat su ah cun ah thu cu hnu ng’tuk püi ne, chang gui k’fikfaih ciah chang ak da om ci nei, ak tung pi ah Judah yum nak ung ka ng’lat lawk ci gui ung da pi ci.

MATTHE 9:26

Cun ah a mawng cu cun ah kho avan ung thang yawp ci.

MAKUH 3:20

Cun kawn ah Bawipa Jesuh cu im ah hteit ba ci. Chang gui akda ng’bum law ba u sei, Bawipa Jesuh la ang düihpüi gui cu ei ami ei nak vai phi akhin kä gah ci gui.

MAKUH 7:36

Bawipa Jesuh naw cun ah a mawng gui cu, a u-am phi kä ami m’thein-en vai ah m’yih sak gui ci. Cun ah Bawipa Jesuh naw m’yih sak gui sei phi, chang gui naw acun ah mawng cu pyein law pi k’täi ci gui.