MAKUH 1:41 - Cho Bible Common Language 2016

⁴¹ Bawipa Jesuh naw m’gein netah, a kut awn nüm ne tawk ne, “Kei naw kang yak hlü om ci nei, theek ne gai ä” cik ci.

MAKUH 1:41 Referans Kwoze

MATTHE 9:36

Chang gui cu htoshäm kä om ciah htome gui ah mäih ah, ami ngaih u vai kä om sei, ami ng’ä ai cu hmuh gui netah, chang gui cu m’gein gui ci.

HEBRU 4:15

Mikmi ah Taigü Tung cu mikmi ah shetkat nak kä nam gein gui hlawt ciah kä kyak ci. Mikmi ah Taigü Tung cu, mikmi ah mäih ah tüihtok nak aut ci, cun ung phi cheishoh nak ung kä gawk ci.

HEBRU 2:17

Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

MAKUH 6:34

Bawipa Jesuh cu hleiko ung hang kai netah, chang khli cu hmu gui ci. Chang gui cu htoshäm kä om ciah hto gui ah mäih ah kia u sei m’gein gui netah, ng’Thu Ni akda cu pyein ne m’theithang gui ci.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

MAKUH 5:41

Bawipa Jesuh naw hnumi hta cu a kut ung k’pang netah, “Talitha, koum” cine kyak nak ci (Cun cu hnumi hta, na thawh law vai, kei naw ka pyein ci, a ciah kyak ci.)

MAKUH 4:39

Bawipa Jesuh cu tho ne ng’düi law netah, “Khokhi aw ng’düm ä, tui hnawk aw kyeim ä” cine khämtam ne pyein ci. Acun vai-am kho khi cu ng’düm ne, tui hnawk cun phi kyeim ci.

ATÜNNAK 1:3

Khanpughi naw, “Kho dei sä” ci sei, kho dei lawk ci.

SAM 33:9

Ang thu m’gawng ung ka khomdek cu ng’tüisho ci, ang thum khän ung ka apäng dang lawk ci.

MAKUH 1:40

Kheilei ung gaw ciah chang tumat cu Bawipa Jesuh ah pei ah law ne, m’khukdong netah, “Bawipa nang yak hlü a om ung kei cu na theek gai sak ä” cine ng’yoi ci.

MAKUH 1:42

Acun vai-am a nat nak maih sei, cun ah chang cu theek ne gai ba ci.