MAKUH 1:37 - Cho Bible Common Language 2016

³⁷ Shui ne hmu ba u netah, “Chang akda naw ning shui ci gui nei” cine m’thein ci gui.

MAKUH 1:37 Referans Kwoze

JOHAN 12:19

Pharisee gui naw, “Mikmi a i phi mi näng nak kä om ci, teng tu vä, khomdek khan avan naw ani ah hnu ah läk law pyi ci gui nei,” cine ami mät ng’cecäk ci gui.

JOHAN 11:48

Shin ah chang ashin ah mi nawng ung chang päng naw ani cu yum lawk khai gui. Cun ung Roman bawi gui law u ne, na ci law gui khai gui, mi Taigüim gui phi plawh lawk khai gui, mi kho phi m’di lawk khai gui” cine pyein ci gui.

JOHAN 3:26

Cun ah kyasei, ngami cu Johan ah law u netah, “Saya, Jordan tuinu hei gaa ah nang ah law man ci, a mawng phi na pyein man ah chang cu, na shüm ba ne ang? Ani naw tuhbäi tuihnim gui sei, chang akda ani ah lawk ci gui nei” ci ci.

MAKUH 1:5

Judea kho la Jerusalem mang gaw ungka chang akda cu law ne Johan ah thu ngai lawk ci gui, ngami cu ami katnak ung ng’yu ba u ne, Jordan tuinu ung tuihnim ci gui.

ZEKHARIAH 11:11

Cun ah kyasei cun ah hnüüp ung thukhän cu phyeit ah kyak ci. Htome hleih ci la yoi ci gui naw kei cu na teng u neta, kei ah bi nak ung Bawipa naw ng’thu pyen ci, cicu hmat ci gui.

MAKUH 1:36

Cun yah ung Simon la apaw gui naw Bawipa cu shui ba ci gui.

MAKUH 1:38

Bawipa Jesuh naw, “A shin ah pigaw k’et, pigaw gui yung ah mi hteit khai. Cun ah pigaw gui yung ah phi thu ka pyein khai, acun vai ah kei ka lawk ci” cine ang düihpüi gui-am kyak na gui ci.